ரூ.3.5 கோடியில் சொகுசு கார் வாங்கிய டாப்ஸி
தென்னிந்திய சினிமாவில் அறிமுகமானாலும் இன்றைக்கு பாலிவுட்டின் முன்னணி நடிகையாக இருப்பவர் டாப்ஸி. சினிமாவில் நடிப்பதோடு கங்கனா ரணாவத் போன்று நாட்டு நடப்புகள் பற்றிய தனது கருத்துகளை துணிச்சலாக சமூக வலைத்தளங்களில் பேசி வருகிறவர். சினிமாவில் நடிப்பதோடு தனது தங்கையுடன் இணைந்து வெட்டிங் பிளானர் உள்ளிட்ட பல தொழில்களையும் நடத்தி வருகிறார். சினிமா தயாரிப்பு நிறுவனம் தொடங்கி படங்களும் தயாரித்து வருகிறார்.
தற்போது ஹிந்தியில் ஷாரூக்கானுடன் 'டன்கி', தமிழில் 'ஏலியன்' ஆகிய படங்களில் நடிக்கிறார். இந்நிலையில், மெர்சிடிஸ் மெபேக் ஜிஎல்எஸ் மாடல் சொகுசு காரை டாப்ஸி வாங்கியுள்ளார். இதன் மதிப்பு 3.5 கோடி.
டாப்ஸி ரசிகர்கள் அவருக்கு வாழ்த்து சொல்லி வருகிறார்கள். டாப்சி சில ஆண்டுகளுக்கு முன்பு நடிகைகள் கோடி கணக்கில் செலவு செய்து சொகுசு கார் வாங்குவதை கிண்டல் செய்திருந்தார். அதை தற்போது கூறி டாப்ஸியை கிண்டல் செய்து வருகிறார்கள் நெட்டிசன்கள்.