ரஜினி 171வது படத்தில் நடிக்கும் சிவகார்த்திகேயன் – ஜீவன்?
ஜெயிலர் படத்தை அடுத்து ஞானவேல் இயக்கும் தனது 170வது படத்தில் நடித்து வருகிறார் ரஜினிகாந்த். அதோடு தனது மகள் ஐஸ்வர்யா இயக்கி உள்ள லால் சலாம் படத்திலும் ஒரு கெஸ்ட் ரோலில் நடித்திருக்கிறார். இந்த படங்களை தொடர்ந்து லோகேஷ் கனகராஜ் இயக்கும் தனது 171 வது படத்தில் அடுத்த ஆண்டு ஏப்ரல் மாதம் முதல் நடிக்க உள்ளார்.
இந்த படத்தில் நடிக்கும் நடிகர்- நடிகைகள் குறித்த அதிகாரப்பூர்வ தகவல்கள் எதுவும் வெளியிடப்படாத நிலையில், சிவகார்த்திகேயன் இந்த படத்தில் ஒரு முக்கிய வேடத்தில் நடிப்பதாக சில தினங்களாக சோசியல் மீடியாவில் ஒரு செய்தி வெளியானது. தற்போது காக்க காக்க, திருட்டுப் பயலே உள்ளிட்ட பல படங்களில் நடித்த ஜீவன், ரஜினி 171- வது படத்தில் வில்லனாக நடிக்க இருப்பதாக இன்னொரு செய்தியும் வைரலாகி வருகிறது. இது உண்மையா? இல்லை வதந்தியா? என்பது போகப்போகத்தான் தெரியும்.