'கல்கி 2898 ஏடி' படப்பிடிப்பில் கமல்ஹாசன்
'நடிகையர் திலகம்' படத்தை இயக்கிய நாக் அஷ்வின் இயக்கத்தில், பிரபாஸ், தீபிகா படுகோனே, அமிதாப்பச்சன் மற்றும் பலர் நடிக்கும் படம் 'கல்கி 2898 ஏடி'. இப்படத்தில் வில்லன் கதாபாத்திரத்தில் கமல்ஹாசன் நடிக்கிறார்.
இப்படத்தின் படப்பிடிப்பு தற்போது ஐதராபாத்தில் நடந்து வருகிறது. அதில் கலந்து கொண்டு நடிக்க ஆரம்பித்துள்ளார் கமல்ஹாசன். இதற்காக ஐதராபாத்தில் பிரம்மாண்ட அரங்கம் ஒன்றை அமைத்துள்ளார்கள். அதில்தான் படப்பிடிப்பு நடந்து வருகிறதாம்.
சில மாதங்களுக்கு முன்புதான் இப்படத்தில் கமல்ஹாசன் நடிப்பது குறித்து அதிகாரப்பூர்வமாக அறிவித்தார்கள். ஆனால், அவருடைய காட்சிகளின் படப்பிடிப்பு தற்போதுதான் ஆரம்பமாகியுள்ளது.
இரண்டு பாகங்களாக வெளியாகத் திட்டமிடப்பட்டுள்ள இப்படத்தின் முதல் பாகத்தில் கமல்ஹாசன் சம்பந்தப்பட்ட காட்சிகள் சில நிமிடங்கள் மட்டுமே இடம் பெறும் என்கிறார்கள்.