நித்யா மேனனுக்கு விட்டுக் கொடுத்த ஜெயம் ரவி
கிருத்திகா உதயநிதி இயக்கத்தில் ஜெயம் ரவி, நித்யா மேனன் நடிக்கும் படம் காதலிக்க நேரமில்லை. ரெட் ஜெயன்ட் மூவிஸ் தயாரிக்கும் இந்த படத்தின் போஸ்டர் நேற்று வெளியானது. அந்த போஸ்டரில் நித்யா மேனன் பெயருக்கு பிறகு ஜெயம் ரவியின் பெயர் இடம் பெற்றிருந்தது. இதை அடுத்து தவறுதலாக இது நடைபெற்று விட்டதோ? என்கிற கேள்விகளும் எழுந்தது. இப்படியான நிலையில் தற்போது படக் குழு வட்டாரத்தில் அது குறித்து ஒரு தகவல் வெளியாகியிருக்கிறது.
அது என்னவென்றால், இந்த காதலிக்க நேரமில்லை படத்தில் நித்யா மேனனுக்கும், ஜெயம் ரவிக்கு இணையான கதாபத்திரம். அதன் காரணமாகவே தனது பெயருக்கு முன்பு நித்யா மேனனின் பெயரை போடுமாறு ஜெயம் ரவியே கேட்டுக் கொண்டதாக கூறுகிறார்கள். ஜெயம் ரவியே எப்படி தாமாகவே முன்வந்து கூறியது கோலிவுட்டில் அனைவரையும் ஆச்சரியப்படுத்தி இருக்கிறது.