இந்தியாவில் எலக்ட்ரிக் ஸ்கூட்டர் சந்தையில் ஓலா எலக்ட்ரிக் நிறுவனம் முதல்முறையாக ஒரே மாதத்தில் 30,000 விற்பனை எண்ணிக்கையை கடந்துள்ளதாக ஓலா நிறுவன தலைமை செயல் அதிகாரி தெரிவித்துள்ளார்.
தொடர்ந்து இந்தியாவின் எலக்ட்ரிக் இருசக்கர வாகன சந்தையில் 25 % பங்களிப்பை ஓலா நிறுவனம் பெற்றுள்ளது.
Ola Electric Sales Report November 2023
ஓலா எலக்ட்ரிக் நிறுவனம் தற்பொழுது சந்தையில் புதிய S1 ஏர் மற்றும் S1X ஆகியவற்றுடன் S1 புரோ என மூன்று மாடல்களை பெற்றுள்ளது. விற்பனையில் உள்ள S1 Pro (2nd Gen) விலை ₹1,47,499 ஆகவும், S1 Air விலை ₹1,19,999 ஆகவும் உள்ளது. அடுத்து, S1X எலக்ட்ரிக் ஸ்கூட்டர் மாடல் S1 X (2kWh) விலை ₹89,999, S1 X (3kWh) விலை ₹99,999, அதேசமயம் S1 X+ விலை ₹1,09,999 ஆக நிர்ணயம் செய்யப்பட்டுள்ளது.
வாகன் தளத்தின் தரவுகளின் படி ஓலா எலக்ட்ரிக் நிறுவனம் 29,764 ஆக பதிவு செய்துள்ளது. அதனை தொடர்ந்து டிவிஎஸ் மோட்டார் நிறுவனம் 18,931 ஆகவும், பஜாஜ் ஆட்டோ நிறுவனம் 11,688 பதிவு செய்துள்ளது. அடுத்து ஏதெர் எனர்ஜி 9,166 எண்ணிக்கை, க்ரீவ்ஸ் எலக்ட்ரிக் 4,410 ஆகவும் மற்றும் ஹீரோ மோட்டோகார்ப் 3,030 ஆக நவம்பர் 2023ல் பதிவு செய்துள்ளது.