'டாக்சிக்' – ரிலீஸ் தேதியுடன் வெளியான யஷ் அடுத்த பட அறிவிப்பு
கன்னட நடிகர் யஷ் நடித்த கே.ஜி.எப் படங்கள் அவரை இந்திய அளவில் பிரபலமாக்கியது. அவர் படம் வெளியாகி ஒரு வருடத்தை கடந்த நிலையில் இன்று தனது அடுத்த படமான யஷ் 19வது படத்தின் அறிவிப்பு வெளியாகி உள்ளது. இந்த படத்திற்கு 'டாக்சிக்' என தலைப்பு வைத்துள்ளனர். அதன் உடன் டேக்லைனாக டாக்சிக் – எ பேரி டேல் பார் க்ரவுன் அப்ஸ் ( பெரியவர்களுக்கான ஒரு விசித்திரக் கதை ) என குறிப்பிட்டுள்ளனர். கே.வி.என் தயாரிப்பில் உருவாகும் இந்த படத்தை மலையாள இயக்குனர் கீது மோகன்தாஸ் இயக்குகிறார்.
கீது மோகன்தாஸ் கூறுகையில், ‛‛இந்த படம் இரண்டு எதிர் உலகங்களின் கதையை அழகியல் கலந்து சொல்லும் ஒரு கலவையான படைப்பாக இருக்கும். யஷ் உடன் இணைந்ததில் மிகுந்த மகிழ்ச்சியடைகிறேன் நான் சந்தித்த மிகவும் புத்திசாலித்தனமான மனிதர்களில் ஒருவர் யஷ். அவருடன் இணைந்து இந்த மாயாஜால பயணத்தை எங்கள் குழு தொடங்குவதில் மகிழ்ச்சி'' என்றார்.
கூடுதலாக இத்திரைப்படம் 10.04.2025 திரையரங்குகளில் வெளியாகும் என குறிப்பிடப்பட்டுள்ளனர். விரைவில் இப்படத்திலிருந்து அடுத்தடுத்த அப்டேட் வெளியாகும் என்கிறார்கள்.