விடாமுயற்சி : அஜித் – திரிஷாவின் கேரக்டர் பெயர் வெளியானது
மகிழ்திருமேனி இயக்கத்தில் அஜித் குமார், திரிஷா, அர்ஜுன், ஆரவ், ரெஜினா உள்பட பலரது நடிப்பில் உருவாகி வரும் படம் விடாமுயற்சி. இந்த படத்தின் படப்பிடிப்பு தொடர்ந்து அஜர்பைஜானில் நடைபெற்று வந்த நிலையில், தற்போது ஒரு பிரேக் கொடுத்துள்ளார்கள். இதன் காரணமாக தனது குடும்பத்தாருடன் துபாயில் புத்தாண்டு கொண்டாடிய அஜித் அங்கு தனது மகள் அனோஷ்காவின் 16வது பிறந்தநாளையும் கொண்டாடினார். இந்த நிலையில் விடாமுயற்சி படத்தில் நடிக்கும் அஜித், திரிஷாவின் கேரக்டர் குறித்த தகவல் வெளியாகி இருக்கிறது. அதாவது இப்படத்தில் அஜித்தின் கேரக்டர் பெயர் அர்ஜுன் என்றும், திரிஷாவின் கேரக்டர் பெயர் கயல் என்றும் கூறப்படுகிறது. இதே படத்தில் நடிகர் அர்ஜுனும் முக்கிய வேடத்தில் நடிக்கிறார் என்பது குறிப்பிடத்தக்கது.