How this week will be: Weekly benefit for 12 zodiac signs | இந்த வாரம் எப்படி இருக்கும்: 12 ராசிகளுக்கான வார பலன்

சென்னை: வெள்ளி முதல் வியாழன் வரை (16.2.2024 முதல் 22.2.2024 வரை) இந்த வாரம் எந்த ராசிக்கு என்ன பலன். உங்கள் ராசிக்கான பலனும் இந்த வாரம் செய்ய வேண்டிய பரிகாரமும் காணுங்கள்.

மேஷம்

கேது, சூரியன், சனி, புதன் நன்மைகளை வழங்குவர். குலதெய்வ வழிபாடு குறை போக்கும்.

அசுவினி: கடந்த வார நெருக்கடி நீங்கும். உடல்நிலை சீராகும். இழுபறியாக இருந்த பிரச்னை முடிவிற்கு வரும். உங்கள் விருப்பம் நிறைவேறும். வேலைக்காக மேற்கொண்ட முயற்சி வெற்றியாகும். அரசுவழி முயற்சி ஆதாயம் தரும். மாணவர்களுக்கு கல்வியில் அக்கறை உண்டாகும்.

பரணி: இந்த வாரத்தில் எதிர்பார்ப்பு நிறைவேறும். செல்வாக்கு உயரும். உத்தியோகத்தில் இருந்த பிரச்னை முடிவிற்கு வரும். வெளிநாடு செல்வதற்காக மேற்கொண்ட முயற்சி வெற்றியாகும். விவசாயிகளின் விளைபொருளுக்கு நல்ல விலைக்கிடைக்கும். திருமண வயதினருக்கு வரன் தேடிவரும்.

கார்த்திகை 1ம் பாதம்: உங்கள் நட்சத்திர நாதனும் சனி பகவானும் லாப ஸ்தானத்தில் சஞ்சரிப்பதால் அரசுவழி செயல்களில் நன்மை உண்டாகும். புதிய தொழில் தொடங்கும் முயற்சி வெற்றியாகும். சாதுரியமாக செயல்பட்டு நினைத்ததை அடைவீர். ஒரு சிலருக்கு பூமியோகம் உண்டாகும். மாணவர்கள் முன்னேற்றம் காண்பர்.

ரிஷபம்

சுக்கிரன், புதன், சூரியன், ராகு நன்மைகளை வழங்குவர். காளிகாம்பாளை வழிபட முயற்சி வெற்றியாகும்.

கார்த்திகை 2,3,4: வாரத்தின் முதல் நாளில் செலவு அதிகரிக்கும். அதன்பின் உங்கள் எதிர்பார்ப்பு எளிதாக நிறைவேறும். தொழிலில் எதிர்பார்த்த ஆதாயம் வரும். பத்தாமிட சூரியனால் செயல் கைகூடும். புதிய இடம் வாங்கும் முயற்சி வெற்றியாகும். வருமானத்தில் இருந்த தடை விலகும்.

ரோகிணி: லாப ஸ்தானத்தில் சஞ்சரிக்கும் ராகு உங்கள் சிரமங்களை விரட்டி அடிப்பார். எதிர்பார்த்த வருமானத்தை உண்டாக்குவார். வெளிநாட்டு முயற்சி பலிக்கும். எதிர்ப்பு இல்லாமல் போகும். ஜீவன ஸ்தான சூரியனால் உங்கள் செல்வாக்கு உயரும். பொன்பொருள் சேர்க்கை உண்டாகும். மறைமுக எதிர்ப்பு விலகும்.

மிருகசீரிடம் 1,2: உத்தியோகத்தில் ஏற்பட்ட சங்கடம் நீங்கும். நீங்கள் மேற்கொள்ளும் முயற்சி முன்னேற்றம் அடையும். ஜீவன ஸ்தான சூரியனும் லாப ராகுவும் உங்கள் செயல்களில் முன்னேற்றத்தை உண்டாக்குவர். பணம் பல வழியிலும் வரும். நெருக்கடி விலகும். ஒரு சிலருக்கு புதிய சொத்து சேரும்.

மிதுனம்

சனி, குரு நன்மைகளை வழங்குவர். உலகளந்த பெருமாளை வணங்கிட உயர்வு உண்டாகும்.

மிருகசீரிடம் 3,4: பாக்ய சனியால் உங்கள் முயற்சி எளிதாக நிறைவேறும். எதிர்பார்த்த வருமானம் வரும். லாப குருவால் வியாபாரத்தில் இருந்த தடை விலகும். திருமண வயதினருக்கு வரன்வரும். சனிக்கிழமை செலவு அதிகரிக்கும்.

திருவாதிரை: வாரத்தின் முதல் இரண்டு நாட்களும் செயல்களில் லாபம் உண்டாகும். உங்கள் எதிர்பார்ப்பு நிறைவேறும். ஞாயிறு அன்று செலவு கூடும். திங்கள் முதல் வியாபாரம் ஆதாயத்தை நோக்கிச் செல்லும். வருவாய் உயரும்.

புனர்பூசம் 1,2,3: இந்த வாரத்தில் உங்கள் முயற்சிக்கேற்ற லாபம் உண்டாகும். ஒன்பதாமிட சனியால் சங்கடம் விலகும். தொழிலில் லாபம் உண்டாகும். நட்புகளால் ஆதாயம் உண்டாகும். வெளிநாட்டு தொடர்புகளால் ஆதாயம் தோன்றும். ஒருசிலர் புதிய வாகனம் வாங்குவீர்.

கடகம்

கேது, புதன் நன்மைகளை வழங்குவர். விநாயகருக்கு அருகம்புல் மாலை சார்த்தி வழிபட்டு வர நினைத்தது நிறைவேறும்.

புனர்பூசம் 4: மூன்றாமிட கேதுவால் இழுபறியாக இருந்த முயற்சி வெற்றியாகும். விருப்பம் எளிதாக பூர்த்தியாகும். வருமானம் அதிகரிக்கும். துணிச்சலுடன் செயல்பட ஆரம்பிப்பீர். வேலைக்காக முயற்சித்து வந்தவர்களின் எண்ணம் நிறைவேறும். திங்கள் அன்று செலவுகளில் கவனம் தேவை.

பூசம்: மூன்றாமிடத்தில் சஞ்சரிக்கும் கேதுவும், எட்டாமிடத்தில் சஞ்சரிக்கும் புதனும் உங்கள் முயற்சிகளை வெற்றியாக்குவர். புதிய ஒப்பந்தங்களில் கையெழுத்திடுவீர். வழக்கு உங்களுக்கு சாதகமாகும். செயல்களில் எதிர்பார்த்த ஆதாயம் தோன்றும். செவ்வாய் அன்று செலவுகளில் கவனம் தேவை.

ஆயில்யம்: உங்கள் எதிர்பார்ப்பு நிறைவேறும். உத்தியோகத்தில் ஏற்பட்ட நெருக்கடி விலகும். அரசியல்வாதிகளின் மதிப்பு அதிகரிக்கும். இழுபறியாக இருந்த பிரச்னை முடிவிற்கு வரும். பொன் பொருள் சேர்க்கை உண்டாகும். மாணவர்களுக்கு படிப்பில் அக்கறை உண்டாகும். செவ்வாய் புதனில் செலவு தோன்றும்.

சிம்மம்

செவ்வாய், குரு நன்மைகளை வழங்குவர். அதிகாலையில் சூரிய பகவானை வழிபட்டுவர சங்கடம் விலகும்.

மகம்: ஆறாமிடத்தில் சஞ்சரிக்கும் செவ்வாயால் ஆரோக்கியத்தில் இருந்த சங்கடம் நீங்கும். எதிர்ப்பு விலகும். முயற்சி வெற்றியாகும். தடைபட்டிருந்த வேலை நடந்தேறும். எதிர்பார்த்த வருமானம் வரும். ஒரு சிலருக்கு புதிய சொத்து சேரும். புதன் வியாழனில் விரயச்செலவு தோன்றும்.

பூரம்: ஒன்பதாமிடத்தில் சஞ்சரிக்கும் குரு உங்கள் நிலையில் முன்னேற்றத்தை உண்டாக்குவார். அரசியல் வாதிகளின் செல்வாக்கு உயரும். புதிய பொறுப்பு வரும். பொன் பொருள் சேர்க்கை உண்டாகும். செயல்களில் ஏற்பட்ட தடை விலகும். முயற்சிகளில் லாபம் ஏற்படும். வியாழன் அன்று விரயச்செலவு ஏற்படும்.

உத்திரம் 1: ஆறாமிட செவ்வாய், பாக்கிய குருவால் செயல்களில் நீங்கள் எதிர்பார்த்த நன்மை உண்டாகும். உங்கள் ஆற்றல் அதிகரிக்கும், எதிர்ப்பு விலகும், வழக்கு சாதகமாகும். எதிர்பார்த்த அனுமதி கிடைக்கும். ஒரு சிலர் புதிய இடம் வாங்குவீர். மாணவர்களுக்கு படிப்பில் அக்கறை அதிகரிக்கும்.

கன்னி

சுக்கிரன், சனி, சூரியன், புதன் நன்மைகளை வழங்குவர். நரசிம்மரை வழிபட சங்கடம் விலகும்

உத்திரம் 2,3,4: ஜென்ம கேதுவால் சங்கடம் தோன்றினாலும், ஆறாமிட சனி, சூரியனால் முயற்சியில் லாபம் தோன்றும். எதிர்பார்த்த வருமானம் வரும். எதிரிகளால் ஏற்பட்ட சங்கடம் நீங்கும். வழக்கில் சாதக நிலை உண்டாகும். வெள்ளி அன்று செயல்களில் நிதானம் அவசியம்.

அஸ்தம்: சந்திராஷ்டமம் தொடர்வதால் உங்கள் செயல்களில் வாரத்தின் முதல் இரண்டு நாட்களில் டென்ஷன் அதிகரிக்கும். அதன்பின் யோசித்து செயல்படுவீர். உடல் நிலையில் முன்னேற்றம், குடும்பத்தில் நிம்மதி, தொழிலில் வருவாய் உண்டாகும்.

சித்திரை 1,2: சனிக்கிழமை சந்திரனால் செயல்களில் இழுபறி உண்டாகும். ஆறாமிட சனி, சூரியன், புதனால் வரவேண்டிய பணம் வரும். நெருக்கடி நீங்கும். சாதுரியமாக செயல்பட்டு நீங்கள் நினைத்ததை அடைவீர். மாணவர்களுக்கு கல்வியில் இருந்த தடை நீங்கும்.

துலாம்

சுக்கிரன், ராகு, குரு நன்மைகளை வழங்குவர். மகாலட்சுமியை வழிபட வளம் உண்டாகும்.

சித்திரை 3,4: ஆறாமிட ராகுவால் உங்கள் விருப்பம் நிறைவேறும். உத்தியோகத்தில் இருந்த பிரச்னை விலகும். அரசியல்வாதிகளின் செல்வாக்கு உயரும். ஏழாமிட குருவால் திருமண வயதினருக்கு வரன் வரும். ஒரு சிலருக்கு புதிய சொத்து சேர்க்கை உண்டாகும். ஞாயிறு அன்று சில சங்கடங்களுக்கு ஆளாகி திணருவீர்கள்.

சுவாதி: கடந்த வார நிலையில் மாற்றம் ஏற்படும். உங்கள் முயற்சி இந்த வாரத்தில் வெற்றியாகும். வியாபாரம் தொழிலில் இருந்த தடை விலகும். வருமானம் அதிகரிக்கும். ஒரு சிலர் புதிய தொழில் தொடங்குவீர். ஞாயிறு திங்களில் உங்கள் செயல்களில் சிரமம் தோன்றி மறையும்.

விசாகம் 1,2,3: உங்களில் சிலருக்கு பூமி யோகம் உண்டாகும். புதிய முயற்சியில் ஈடுபட்டு லாபம் காண்பீர். ராகுவால் உங்கள் முயற்சி வெற்றியாகும். உடல்நிலையில் இருந்த சங்கடம் நீங்கும். குருவால் தொட்டதெல்லாம் வெற்றியாகும். திங்கள் செவ்வாயில் சில நெருக்கடி உண்டாகும்.

விருச்சிகம்

சுக்கிரன், செவ்வாய், புதன், கேது நன்மைகளை வழங்குவர். முருகனை வழிபட்டுவர முயற்சி வெற்றியாகும்.

விசாகம் 4: மூன்றாமிட செவ்வாயால் முயற்சி வெற்றியாகும். துணிச்சலுடன் செயல்பட்டு நினைத்ததை அடைவீர். எதிரி விலகிச்செல்வர். லாபஸ்தான கேதுவால் வரவு அதிகரிக்கும். முயற்சி அனுகூலமாகும். செவ்வாய் அன்று உங்கள் செயல்களில் கவனம் தேவை.

அனுஷம்:லாப ஸ்தானத்தில் கேது பலம் பெற்றிருப்பதால் உங்கள் செயல்கள் லாபமாகும். வியாபாரத்தில் இருந்த தடைகள் விலகும். வெளிநாட்டுத்தொடர்பு ஆதாயம் தரும். எதிர்பார்த்த தகவல் வரும். அரசியல்வாதிகளின் செல்வாக்கு அதிகரிக்கும். செவ்வாய் புதனில் செயல்களில் விழிப்புணர்வு அவசியம்

கேட்டை: கடந்த வாரத்தில் இருந்த சங்கடம் நீங்கும். ஒரு சிலர் புதிய வீட்டில் குடியேறுவீர். நவீன பொருட்களின் சேர்க்கை உண்டாகும். உடல்நிலையில் ஏற்பட்ட பாதிப்பு விலகும். உங்கள் தேவை எளிதாக நிறைவேறும். தடைபட்டிருந்த செயல் விருப்பப்படி நடந்தேறும். புதன் வியாழனில் சில தடை உண்டாகும்.

தனுசு

சுக்கிரன், சூரியன், சனி, குரு நன்மைகளை வழங்குவர். மீனாட்சி அம்மனை வழிபட மேன்மை உண்டாகும்.

மூலம்: முயற்சி ஸ்தானத்தில் சனி பலம் பெற்றிருப்பதுடன் சூரியனும் சஞ்சரிப்பதால் முயற்சிகளில் ஆதாயம் உண்டாகும். செய்துவரும் தொழிலில் இருந்த தடை விலகும். உத்தியோகத்தில் ஏற்பட்ட பிரச்னை தீரும். வருமானம் அதிகரிக்கும். வியாழன் அன்று உங்கள் செயல்களில் கவனம் அவசியம்.

பூராடம்: தன ஸ்தான சுக்கிரனும், பஞ்சம ஸ்தான குருவும் எதிர்பார்ப்பை நிறைவேற்றுவர். பொன் பொருள் சேர்க்கை உண்டாகும். செல்வாக்கு உயரும். மூன்றாமிட சூரியனால் அரசு உத்தியோகஸ்தர்கள், அரசியல் வாதிகளின் நிலை உயரும். வெளி வட்டாரத்தில் செல்வாக்கு அதிகரிக்கும். எதிர்பார்த்த வருமானம் ஏற்படும்.

உத்திராடம் 1: வேலை வாய்ப்பிற்கு முயற்சித்தவர்களுக்கு எதிர்பார்த்த தகவல் வரும். தொழிலில் இருந்த நெருக்கடி நீங்கும். ஒரு சிலருக்கு புதிய சொத்து சேர்க்கை உண்டாகும். குழந்தை பாக்கியத்திற்காக காத்திருந்தவர்களின் கனவு நிறைவேறும். திருமண வயதினருக்கு வரன் வரும்.

மகரம்

சுக்கிரன், புதன், ராகு நன்மைகளை வழங்குவர். ஈஸ்வர வழிபாடு இன்னல் தீர்க்கும்.

உத்திராடம் 2,3,4: தடைப்பட்டிருந்த உங்கள் முயற்சி இந்த வாரம் வெற்றியாகும். செய்துவரும் தொழில் முன்னேற்றம் அடையும். புதிய இடம் வாங்கும் முயற்சி நிறைவேறும். சாதுர்யமாக செயல்பட்டு நினைத்ததை அடைவீர். வியாபாரத்தில் லாபம் அதிகரிக்கும். பொருளாதார நிலை உயரும்.

திருவோணம்: மூன்றாமிட ராகு, ஜென்ம சுக்கிரனால் உங்கள் முயற்சி எளிதாக நிறைவேறும். உடல்நிலையில் இருந்த சங்கடம் விலகும். எதிர்பார்த்த பணம் வரும். இழுபறியாக இருந்த பிரச்னை முடிவிற்கு வரும். வியாபாரத்தில் லாபம் அதிகரிக்கும். பொன் பொருள் சேர்க்கை உண்டாகும்.

அவிட்டம் 1,2: ஜென்மத்தில் சஞ்சரிக்கும் சுக்கிரனால் பணவரவு அதிகரிக்கும். பொன் பொருள் சேர்க்கை உண்டாகும். தொழில், வியாபாரம் லாபமாகும். முயற்சி ஸ்தான ராகுவால் செயல் வெற்றியாகும். நீண்ட நாட்களாக இழுபறியாக இருந்த பிரச்னை முடிவிற்கு வரும். மாணவர்களுக்கு படிப்பில் அக்கறை உண்டாகும்.

கும்பம்

சுக்கிரன் நன்மைகளை வழங்குவார். முன்னோர் வழிபாடு சங்கடம் போக்கும்.

அவிட்டம் 3,4: ராசிக்குள் சனி, சூரியன் சஞ்சரிப்பதால் செயல்களில் கவனம் தேவை. புதிய முயற்சிகளில் பலமுறை யோசித்து செயல்படுவது நல்லது. சந்திரனின் சஞ்சாரங்களால் எதிர்பார்த்த வரவு வரும். பொருளாதார நிலை உயரும்.

சதயம்: அனைத்திலும் கவனமாக செயல்பட வேண்டிய வாரம். ஜென்ம சனி, சூரியன், மூன்றில் குரு, எட்டில் கேது, விரய செவ்வாய் என்ற சஞ்சார நிலைகளால் நெருக்கடிகளுக்கு ஆளாவீர். முயற்சிகளில் தடையும் தாமதமும் எதிர்ப்பும் உண்டாகும் என்பதால் கவனமாக செயல்படுவது அவசியம்.

பூரட்டாதி 1,2,3:மனதில் தேவையற்ற சிந்தனை தோன்றும். செயல்களில் குழப்பம் உண்டாகும் என்றாலும் சந்திரனின் சஞ்சாரங்களால் சங்கடம் தீரும். தேவைக்கேற்ற வருமானம் வரும். விற்பனை செய்ய முடியாமல் இருந்த இடங்களை விற்பனை செய்து நிலைமைகளை சமாளிப்பீர்.

மீனம்

குரு, சுக்கிரன், செவ்வாய் நன்மையை வழங்குவர். பிரத்தியங்கிராவை வழிபட பிரச்னை தீரும்.

பூரட்டாதி 4: தன ஸ்தான குருவால் பண வரவில் இருந்த தடை விலகும். குடும்பத்தில் இருந்த குழப்பம் தீரும். நெருக்கடி நீங்கும். கொடுத்த வாக்கை காப்பாற்றுவீர். லாப செவ்வாயால் ஒரு சிலருக்கு புதிய சொத்து சேரும். வம்பு வழக்கு முடிவிற்கு வரும்.

உத்திரட்டாதி: லாப ஸ்தான செவ்வாயும் குடும்ப ஸ்தான குருவும் உங்கள் நிலையை உயர்த்துவர். வராமல் இருந்த பணம் வரும். இடம் வாங்குவதற்காக மேற்கொள்ளும் முயற்சி நிறைவேறும். குடும்பத்தில் இருந்த பிரச்னை விலகும்.

ரேவதி: ராகுவும், கேதுவும் உங்கள் மனதை அலைபாய வைப்பதால் மனதில் சஞ்சலம் தோன்றும். நல்லவர், கெட்டவர் யார் என்பதை உங்களால் புரிந்துகொள்ள முடியாமல் போகும். குரு, செவ்வாய் சஞ்சாரங்களினால் அனைத்தையும் சமாளிப்பீர். பண வரவில் இருந்த தடை நீங்கும். முயற்சி லாபமாகும்.