ஒட்டாவா: கனடாவில் படித்து வந்த ஹைதராபாத்தைச் சேர்ந்த 25 வயதான மாணவர், மாரடைப்பு காரணமாக உயிரிழந்தார்.
தெலுங்கானா தலைநகர் ஹைதராபாத்தை சேர்ந்தவர் ஷாயிக் முகமது அஹமது(25). அவர் கனடாவின் ஆண்டாரியோவில் உள்ள கொனேஸ்டோகா கல்லூரியில் ஐடி பிரிவில் பட்டமேற்ப்படிப்பை, கடந்த 2022 டிச., முதல் படித்து வந்தார். கடந்த ஒரு வாரமாக அவர் காய்ச்சல் காரணமாக அவதிப்பட்டு வந்தார்.
இந்நிலையில், இன்று அவர் மாரடைப்பு காரணமாக உயிரிழந்து விட்டதாக, ஷாயிக் முகமது அஹமதுவின் குடும்பத்தை தொடர்பு கொண்ட அவரது நண்பர் தகவல் தெரிவித்துள்ளார். அவரது உடலை தாயகம் கொண்டு வர நடவடிக்கை எடுக்க வேண்டும் என குடும்பத்தினர் மத்திய வெளியுறவுத்துறை அமைச்சகத்திற்கு கோரிக்கை விடுத்துள்ளனர்.
புதிய செய்திகளுக்கு தினமலர் சேனலை Subscribe செய்யுங்கள்
Advertisement
