வாசிக்க நேரம் இல்லையா? செய்தியைக் கேளுங்கள்
புதுடில்லி: காங்கிரஸ் மூத்த தலைவர் சோனியாவின் மொத்த சொத்து மதிப்பு (அசையும் மற்றும் அசையா சொத்து) 12 கோடியே 53 லட்சத்து 76 ஆயிரத்து 822 ரூபாய் என தகவல் வெளியாகி உள்ளது.
ராஜஸ்தான் மாநிலத்தில் இருந்து ராஜ்யசபா எம்.பி.யாக சோனியா தேர்வு செய்யப்பட இருக்கிறார். இதற்காக அவர் வேட்பு மனு தாக்கல் செய்துள்ளார். அப்போது தனது அசையும் மற்றும் அசையா சொத்து குறித்து பிரமாண பத்திரம் தாக்கல் செய்துள்ளார். அதன் படி, காங்கிரஸ் மூத்த தலைவர் சோனியாவின் மொத்த சொத்து மதிப்பு (அசையும் மற்றும் அசையா சொத்து) 12 கோடியே 53 லட்சத்து 76 ஆயிரத்து 822 ரூபாய் ஆகும்.
2014ல் அவருடைய சொத்து மதிப்பு 9.28 கோடி ரூபாயாக இருந்தது. 2019ல் 11.82 கோடி ரூபாயாக அதிகரித்தது. தற்போது 2024ல் 12.53 கோடி ரூபாயாக அதிகரித்துள்ளது. அசையும் சொத்து 6.38 கோடி ரூபாய். இதில் ஜூவல்லரி, ஆக்ஸ்போர்டு பல்கலைகழகத்தில் இருந்து கிடைக்கும் ராயல்டி, முதலீடுகள், பாண்டுகள், வங்கி டெபாசிஸ்ட், கையில் இருக்கும் ரொக்கத்தொகை ஆகியவை அடங்கும்.
49.95 லட்சம் ரூபாய் மதிப்பில் 1.3 கிலோ தங்கமும், ரூ. 57.2 லட்சம் மதிப்புள்ள 88 கிலோ வெள்ளியும் சோனியா வைத்துள்ளார். இத்தாலியில் பரம்பரை வீடு உள்ளதாகவும், அவற்றில் தனக்கான பங்கீன் மதிப்பு 26.83 லட்சம் ரூபாய் எனவும், 2014 தேர்தலில் இதன் மதிப்பு ரூ.19.9 லட்சம் எனவும் சோனியா பிரமாண பத்திரத்தில் குறிப்பிட்டுள்ளார்.
அதே நேரத்தில் சொந்தமாக கார், வீடு இல்லை எனவும் சோனியா பிரமாண பத்திரத்தில் குறிப்பிட்டுள்ளது குறிப்பிடத்தக்கது.
புதிய செய்திகளுக்கு தினமலர் சேனலை Subscribe செய்யுங்கள்
Advertisement
