சிபு சூரியன் நடிக்கும் புதிய தொடர் வீரா
ரோஜா தொடரில் நடித்து பிரபலமான சிபு சூரியனுக்கு தமிழில் ரசிகர்கள் மத்தியில் நல்ல வரவேற்பு உள்ளது. எனினும், ரோஜா தொடருக்கு பின் அவருக்கு சொல்லிக்கொள்ளும் வகையில் சிறப்பான வாய்ப்புகள் எதுவும் அமையவில்லை. இந்நிலையில், ஜீ தமிழ் சேனலில் வைஷ்ணவி அருள் மொழியுடன் அவர் ஜோடியாக நடிக்க உள்ளதாக சில தினங்களுக்கு முன் செய்திகள் வர ரசிகர்களும் ஆர்வமாக எதிர்பார்த்தனர். ஆனால், வீரா என்கிற புதிய தொடரில் சிபு சூரியன் வைஷ்ணவி அருள்மொழிக்கு அண்ணன் கதாபாத்திரத்தில் தான் நடிக்கிறார். அதிலும் அந்த தொடருக்கான வெளியான புரொமோவில் சிபு சூரியன் இறந்துவிட்டது போல காட்சிப்படுத்தப்பட்டுள்ளது. எனவே இந்த சீரியலில் சிபு சூரியன் வெறும் கெஸ்ட் ரோல் தானா? என்கிற கேள்வியும் எழுந்துள்ளது.