துமகூரு : கர்நாடக உள்துறை அமைச்சர் பரமேஸ்வர் வீட்டிற்குள் நுழைந்த குரங்கு ஒன்று, பிரிஜில் இருந்த பால் பாக்கெட்டை எடுத்துக் குடித்த வீடியோ சமூக வலைதளத்தில் பரவியது.
துமகூரு மாவட்டம், சித்தார்த்தா நகரில் உள்துறை அமைச்சர் பரமேஸ்வர் வீடு உள்ளது. நேற்று காலை வழக்கம் போல், தன் வீட்டுக்கு வந்திருந்த பொதுமக்களிடம் பரமேஸ்வர் பேசிக் கொண்டிருந்தார்.
அப்போது வீட்டுக்குள் நுழைந்த குரங்கு ஒன்று, சமையல் அறையில் இருந்த பிரிஜின் கதவை திறந்து, அதில் இருந்த பால் பாக்கெட்டை எடுத்துக் கொண்டு ஓடியது.
அங்கிருந்த ஊழியர்கள் தடுக்க முயற்சித்தனர். ஆனால் பரமேஸ்வர், “எதுவும் செய்ய வேண்டாம்; குரங்கு பால் குடிக்கட்டும்,” என கூறினார்.
வெளியே சென்ற குரங்கு, படிக்கட்டில் அமர்ந்தபடி, பால் பாக்கெட்டை கடித்து, கீழே கொட்டி, குடிக்க ஆரம்பித்தது.
இந்த வீடியோ சமூக வலைதளத்தில் பரவியதுடன், பரமேஸ்வரின் செயலுக்கு ‘நெட்டிசன்’கள் பாராட்டு தெரிவித்துள்ளனர்.
புதிய செய்திகளுக்கு தினமலர் சேனலை Subscribe செய்யுங்கள்
Advertisement
