முகேஷ் அம்பானி வீட்டு திருமண நிகழ்ச்சியில் குடும்பத்துடன் கலந்து கொண்ட ரஜினி!
பிரபல தொழிலதிபரான முகேஷ் அம்பானியின் மகன் ஆனந்த் அம்பானிக்கும், ராதிகா மெர்சண்டுக்கும் ஏற்கனவே திருமண நிச்சயதார்த்தம் நடந்து முடிந்த நிலையில், அவர்களது திருமணம் வருகிற ஜூலை மாதம் நடக்க உள்ளது. இந்த நிலையில் அவர்களது ப்ரீ வெட்டிங் கொண்டாட்டங்கள் மார்ச் 1ம் தேதி முதல் 3ம் தேதி வரை நடப்பதாக அறிவிக்கப்பட்டு, இந்தியா மற்றும் உலக அளவில் உள்ள பல பிரபலங்களுக்கு அழைப்பு விடுக்கப்பட்டிருந்தது.
குஜராத்தில் உள்ள ஜாம்நகரில் இன்று மூன்றாவது நாளாக நடைபெற்று வரும் இந்த நிகழ்ச்சியில், பாலிவுட் சினிமாவை சேர்ந்த ஷாருக்கான், அமீர்கான், சல்மான் கான், ரன்வீர் சிங், அக்ஷய்குமார் உள்ளிட்ட பலர் குடும்பத்துடன் பங்கேற்ற நிலையில், தமிழ் சினிமாவில் இருந்து ரஜினிகாந்த் தனது மனைவி, மகள் ஐஸ்வர்யா ஆகியோருடன் கலந்து கொண்டுள்ளார். இது குறித்த புகைப்படங்கள் சோசியல் மீடியாவில் வைரலாகி வருகிறது.