பிஎம்டபிள்யூ கார் வாங்கிய டான் பட இயக்குனர்
சிவகார்த்திகேயன் – பிரியங்கா மோகன் நடித்த டான் என்ற படத்தை இயக்கி அறிமுகமானவர் சிபி சக்ரவர்த்தி. அப்படம் நூறு கோடி ரூபாய் வசூல் செய்து சாதனை செய்தது. அதன் பிறகு ரஜினி நடிக்கும் படத்தை சிபி சக்ரவர்த்தி இயக்கப் போவதாக கூறப்பட்ட நிலையில் அது உறுதிப்படுத்தப்படவில்லை. இந்த நிலையில் தற்போது மீண்டும் சிவகார்த்திகேயன் நடிக்கும் ஒரு படத்தை சிபி சக்ரவர்த்தி இயக்கப் போவதாக தகவல் வெளியாகி உள்ளது. கடந்த சில மாதங்களுக்கு முன்பு தனது பெற்றோருக்கு புதிய கார் ஒன்றை வாங்கி கொடுத்தார் சிபி சக்ரவர்த்தி. தற்போது தனக்காக அவர் ஒரு பி.எம்.டபிள்யூ கார் வாங்கி இருக்கிறார். அது குறித்த புகைப்படங்களை இன்ஸ்டாகிராமில் பதிவு செய்துள்ளார்.