அரக்கோணம் மக்களவைத் தொகுதிக்குஉட்பட்ட சித்தேரி வாக்குச் சாவடி மையத்தை பார்வையிடுவதற்காக தி.மு.க வேட்பாளர் ஜெகத்ரட்சகன் தரப்பு முகவரும் கைத்தறித்துறை அமைச்சர் காந்தியின் மகனுமான வினோத் காந்தி தனது காரில் சென்றார். அவருடன் ஓட்டுநர் சந்திரன், உதவியாளர் சீனிவாசன் ஆகிய இரண்டு பேர் சென்றனர். இவர்கள் வாக்குச் சாவடிக்கு அருகே நின்றிருந்த பா.ம.க-வினரை பார்த்து, ‘‘உங்களை யார் உள்ளே விட்டது. போலீஸை கூப்பிடுங்க..’’ என்று அதட்டல் தொணியில் பேசியதாகக் கூறப்படுகிறது. பதிலுக்கு பா.ம.க-வினரும், ‘‘உங்கள் காரை உள்ளே அனுமதித்தது யார்? நீங்கள் எப்படி தி.மு.க துண்டு அணிந்துகொண்டு வாக்குச் சாவடிக்குள் வரலாம்’’ என்று வாக்கு வாதம் செய்திருக்கின்றனர்.
இதனால், இருத்தரப்புக்கும் இடையே தகராறு ஏற்பட்டிருக்கிறது. பா.ம.க-வினர் சூழ்ந்ததால் அமைச்சர் மகன் வினோத் காந்தி தனது ஆட்களை அழைத்துக்கொண்டு அவசர அவசரமாக புறப்பட முயன்றார்.
அப்போது, யாரோ ஒருவர் வீசியெறிந்த கல்லால் அமைச்சர் மகன் வந்த சொகுசு காரின் பின்பக்க கண்ணாடி லேசாக விரிசல் விட்டு சேதமடைந்தது. உடனடியாக அங்கு விரைந்து சென்ற போலீஸார் பா.ம.க-வினரை சமாதானப்படுத்தி அமைச்சர் மகனை காரில் பத்திரமாக அனுப்பி வைத்தனர். இது தொடர்பாக, வினோத் காந்தியின் உதவியாளர் சீனிவாசன் என்பவர் அரக்கோணம் தாலுகா போலீஸில் புகாரளித்திருக்கிறார்.
புகார் மனுவில், ‘‘சித்தேரி ஊராட்சித் தலைவர் கலைஞ்செழியன் மற்றும் அதே ஊரைச் சேர்ந்த 20-க்கும் மேற்பட்ட நபர்கள் காரை கையால் அடித்தார்கள். அங்கிருந்த கட்டை மற்றும் கருங்கற்களைக் கொண்டு காரின் பின்பக்க கண்ணாடியையும் அடித்து சேதப்படுத்தினர். எனவே, மேற்படி நபர்கள்மீது தக்க நடவடிக்கை எடுக்கும்படி கேட்டுக்கொள்கிறேன்’’ எனக் குறிப்பிட்டிருக்கிறார். புகாரின்பேரில் போலீஸார் விசாரணை மேற்கொண்டு வருகிறார்கள்.
Junior Vikatan-ன் பிரத்யேக Whatsapp Group…
இணைவதற்கு இங்கே க்ளிக் செய்யவும்… https://bit.ly/47zomWY
வணக்கம்,
BIG BREAKINGS முதல்… அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்… https://bit.ly/47zomWY