'கில்லி' சாதனையை முறியடிக்க வரும் 'மங்காத்தா'
ஒரு விஜய் படம் வந்தால் பின்னாடியே ஒரு அஜித் படமும் வந்தாகணுமே… ஆமாம், வருகிறது 'மங்காத்தா'. இரு தினங்களுக்கு முன்பாக விஜய், த்ரிஷா, பிரகாஷ்ராஜ் நடித்த 'கில்லி' படம் ரீ-ரிலீஸ் ஆகி வசூல் சாதனை புரிந்து வருகிறது. விஜய் ரசிகர்கள் மட்டும் ஒரு கொண்டாட்டத்தை நடத்திக் கொண்டிருக்க, அஜித் ரசிகர்களுக்குக் கோபம் வராதா ?. அவர்களும் ஒரு ரீ-ரிலீஸை வரவைக்க வேண்டும் என 'மங்காத்தா' பட ரீ-ரிலீஸுக்கு கோரிக்கை வைத்தார்கள்.
இப்போது அஜித்தின் பிறந்தநாளான மே 1ம் தேதி 'மங்காத்தா' படத்தை ரீ-ரிலீஸ் செய்ய திட்டமிட்டுள்ளார்கள். வெங்கட் பிரபு இயக்கத்தில் அஜித், அர்ஜுன், த்ரிஷா, அஞ்சலி, மற்றும் பலர் நடிப்பில் 2011ல் வெளிவந்த படம் 'மங்காத்தா'. அஜித்திற்குப் பெரிய திருப்புமுனையைக் கொடுத்த படம். யுவனின் பின்னணி இசை இந்தப் படத்தின் மாஸ்டர் பீஸ்.
'மங்காத்தா' ரீ-ரிலீஸ் ஆனால் அது 'கில்லி' ரீ-ரிலீஸ் வசூலை முறியடிக்குமா என்பதற்கு இன்னும் பத்து நாட்கள் காத்திருக்க வேண்டும்.