டெல்லியில் அடிக்கடி கட்டட பாதுகாவலர்களை தாக்குவது, லிஃப்ட் பிரச்னையில் சண்டையிட்டுக்கொள்வதுபோன்ற சம்பவங்கள் நடக்கிறது. தற்போது காரை நிறுத்தும் பிரச்னையில் ஒருவர் படுகொலை செய்யப்பட்டுள்ளார். டெல்லி குருகிராமில் வசித்தவர் ரிஷப்(28). இவர் வேலைக்கு சென்றுவிட்டு காரில் வீடு திரும்பினார். தனது காரை மனோஜ் என்பவரது வீட்டிற்கு வெளியில் நிறுத்தினார். உடனே மனோஜ் காரை எனது வீட்டிற்கு எதிரில் நிறுத்தக்கூடாது என்று கூறி தகராறு செய்தார். இதில் இருதரப்பினருக்கும் இடையே கடுமையான வாக்குவாதம் ஏற்பட்டது.
வீட்டிகுள் இருந்த ரிஷப் சகோதரர் ரஞ்ஜக் வெளியில் வந்து விசாரிக்க வந்து அவரும் வாக்குவாதத்தில் கலந்து கொண்டார். ஏற்கனவே இதே கார் பார்க்கிங் பிரச்னையில் இரு தரப்பினருக்கும் இடையே தகராறு ஏற்பட்டு இருக்கிறது. மீண்டும் இதே பிரச்னையில் வாக்குவாதம் முற்றிய நிலையில் மனோஜ் வீட்டில் கிடந்த கம்பை எடுத்து வந்து ரிஷப் மற்றும் அவரது சகோதரரை அடித்தார்.
அப்படியும் கோபம் தணியாத மனோஜ் தனது ஹூண்டாய் காரை எடுத்து, அதனை ரிஷப் மற்றும் அவரது சகோதரர் மீது வேண்டுமென்றே மோதச்செய்தார். இதில் சம்பவ இடத்திலேயே ரிஷப் பரிதாபமாக இறந்து போனார். அவரது சகோதரர் படுகாயம் அடைந்து ஆபத்தான நிலையில் மருத்துவமனையில் அனுமதிக்கப்பட்டு சிகிச்சை பெற்று வருகிறார். விபத்தை ஏற்படுத்திய மனோஜ் சம்பவ இடத்தில் இருந்து தப்பி ஓடிவிட்டார். அவர் மீது கொலை வழக்கு பதிவு செய்து அவரை போலீஸார் தேடி வருகின்றனர்.
Junior Vikatan-ன் பிரத்யேக Whatsapp Group…
இணைவதற்கு இங்கே க்ளிக் செய்யவும்… https://tinyurl.com/crf99e88
வணக்கம்,
BIG BREAKINGS முதல்… அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்… https://tinyurl.com/crf99e88