Election (தமிழ்)
தமிழ் இயக்கத்தில் விஜய்குமார், பிரீத்தி அஸ்ரானி, ஜார்ஜ் மரியன், பாவேல் நவகீதன், திலீபன் உள்ளிட்டோர் நடிப்பில் உருவாகியுள்ள திரைப்படம் ‘Election.’ தேர்தல் அரசியலில் நடக்கும் பிரச்னைகளைப் பேசும் இத்திரைப்படம் மே 17ம் தேதி திரையரங்குகளில் வெளியாகியுள்ளது.
இங்க நாங்கதான் கிங்கு (தமிழ்)
ஆனந்த நாரயணன் இயக்கத்தில் சந்தானம், தம்பி ராமையா, பிரியா லையா, விவேக் பிரசண்ணா, பால சரவணன் உள்ளிட்டோர் நடிப்பில் உருவாகியுள்ள திரைப்படம் ‘இங்க நாங்கதான் கிங்கு’. காதல், வேலை, குடும்பம் என சாதாரண வாழ்கை வாழுந்துவருகிறார் சந்தானம். திடீரென தன்னைப்போலவே இருக்கும் ஒருவர் குற்றச் சம்பவத்தில் ஈடுப்பட்டதாகச் செய்திகள் வர, பெரும் சிக்கலில் மாட்டிக் கொள்கிறார். உண்மையில் அந்த நபர் யார், சந்தானம் சிக்கலில் இருந்து தப்பினாரா என்பதை காமெடியாக சொல்வதுதான் இதன் கதைக்களம். காதல், காமெடி, க்ரைம், திரில்லர் திரைப்படமான இது மே 17ம் தேதி திரையரங்குகளில் வெளியாகியுள்ளது.
படிக்காத பக்கங்கள் (தமிழ்)
செல்வன் மாதப்பன் இயக்கத்தில் யாஷிகா ஆனந்த், பிரஜின், ஜார்ஜ் மரியன், லொள்ளு சபா மனோகர் உள்ளிட்டோர் நடிப்பில் உருவாகியுள்ள திரைப்படம் ‘படிக்காத பக்கங்கள்’. மர்மமான முறையில் நடக்கும் தொடர் கொலைகளுக்கான காரணத்தையும், அதன் பின்னணியையும் கண்டுப்பிடிப்பதுதான் இதன் கதைக்களம். க்ரைம், திரில்லர் திரைப்படமான இது மே 17ம் தேதி திரையரங்குகளில் வெளியாகியுள்ளது.
கன்னி (தமிழ்)
.jpg)
மயோன் சிவா தொரப்பாடி இயக்கத்தில் அஷ்வினி சந்திர சேகர், மணிமாறன், கிரீஷ், ராம் பரதன் உள்ளிட்டோர் நடிப்பில் உருவாகியுள்ள திரைப்படம் ‘கன்னி’. மலைப்பகுதியில் பாரம்பரியமாக இருக்கும் மருத்துவ முறைகளையும், மூலிகைப் பொருள்களையும் சுரண்டுவதற்கு கார்ப்பரேட் நிறுவனங்கள் திட்டமிடுகிறது. அதற்குத் தடையாக இருக்கும் அப்பகுதி மக்களையும், மருத்துவ முறையில் கைதேர்ந்த பெண்ணையும் கொலை செய்யுமளவிற்குச் செல்கிறார்கள் கார்ப்பரேட் கைக்கூலிகள். கார்ப்பரேட் நிறுவனத்தின் இந்தத் திட்டம் சாத்தியமானதா, அப்பகுதி மக்களுக்கு என்ன ஆனது என்பதுதான் இதன் கதைக்களம். இத்திரைப்படம் மே 17ம் தேதி திரையரங்குகளில் வெளியாகியுள்ளது
Guruvayoorambala Nadayil (மலையாளம்)
விபின் தாஸ் இயக்கத்தில் பிரித்வி ராஜ், பாசில் ஜோசப், நிகிலா விமல், யோகி பாபு உள்ளிட்டோர் நடிப்பில் உருவாகியுள்ள திரைப்படம் ‘Guruvayoorambala Nadayil‘. வெளிநாட்டில் வேலை பார்க்கும் பாசில் ஜோசப், திருமணம் செய்துகொள்வதற்காக கேரளா திரும்புகிறார். திருமணப் பெண்ணின் அண்ணன் பிரித்வி ராஜுக்கும், பாசில் ஜோசப்பிற்கும் முதலில் நட்பு ஏற்பட்டு, பிறகு அது பகையாக மாறிவிடுகிறது. இதனால் பாசில் ஜோசப்பின் திருமணம் சிக்கலில் மாட்டிக்கொள்ள இருவருக்குமான பிரச்னைகள் தீர்ந்து திட்டமிட்டப்படி திருமணம் நடந்ததா என்பதுதான் இதன் கதைக்களம். இத்திரைப்படம் மே 16ம் தேதி திரையரங்குகளில் வெளியாகியுள்ளது.
Sureshinteyum Sumalathayudeyum Hridayahariyaya (மலையாளம்)
ரத்தீஷ் பாலகிருஷ்ணன் இயக்கத்தில் ராஜேஷ் மாதவன், சித்ரா, சுத்தீஷ், போபன் உள்ளிட்டோர் நடிப்பில் உருவாகியுள்ள திரைப்படம் ‘Sureshinteyum Sumalathayudeyum Hridayahariyaya’. நீண்ட நாள்களுக்குப் பிறகு, இறந்த தாத்தாவைக் காண வருகிறார் கதாநாயகன். ஸ்டைலாக ஊருக்கு வரும் கதாநாயகன் பெண்களைக் கவர, தனது பால்ய வயது காதலியுடன் பழகுகிறார். அந்தக் காதலால் பிரச்னைகள் கிளம்ப அதைக் கதாநாயகன் எப்படி ஜாலியாகக் கையாண்டு தீர்வு காண்கிறார். காதல் சேட்டையுடன் இருக்கும் கதாநாயகனால் அந்த ஊரும், அவரது காதலியும் எப்படியெல்லாம் தொந்தரவிற்கு ஆளாகிறார்கள் என்பதுதான் இதன் கதைக்களம். இத்திரைப்படம் மே 16ம் தேதி திரையரங்குகளில் வெளியாகியுள்ளது.
Kartam Bhugtam (இந்தி,தமிழ், மலையாளம், தெலுங்கு)
ஷொகம். P. ஷா இயக்கத்தில் ஸ்ரேயாஸ் தல்பேட், விஜய் ராஷ், மதோ ஷா, அக்ஷா உள்ளிட்டோர் நடிப்பில் உருவாகியுள்ள திரைப்படம் ‘Kartam Bhugtam’. மாந்ரீக தந்திரங்கள் நிறைந்த சைகாலாஜிக்கல் திரில்லர் திரைப்படமான இது மே 17ம் தேதி திரையரங்குகளில் வெளியாகியுள்ளது.
The Garfield Movie (ஆங்கிலம்)
மார்க் திண்டால் இயக்கத்தில் க்ரிஸ் பிராட், வருண் ஷர்மா, சமுவேல் உள்ளிட்டோர் உருவாக்கத்தில் மே 16ம் தேதி திரையரங்குகளில் வெளியாகியுள்ள ஆக்ஷன், அட்வன்சர், அனிமேஷன் திரைப்படம் ‘The Garfield Movie’. வில்லி பூனையுடன் மாட்டிக்கொள்ளும் பூனைகள் கூட்டம் எப்படித் தப்பித்தது என்பதுதான் இதன் கதைக்களம்.
IF (ஆங்கிலம்)
ஜான் கரன்சின்க்சி இயக்கத்தில் ரியான் ரெனால்ட்ஸ், கெய்லி ஃபிளமிக்ங், ஸ்டீவ் கரெல் உள்ளிட்டோர் நடிப்பில் உருவாகியுள்ள திரைப்படம் ‘IF’. அட்வன்சர், பேன்டஸி, காமெடி திரைப்படமான இது மே 17ம் தேதி திரையரங்குகளில் வெளியாகியுள்ளது.ஜான் கரன்சின்க்சி இயக்கத்தில் ரியான் ரெனால்ட்ஸ், கெய்லி ஃபிளமிக்ங், ஸ்டீவ் கரெல் உள்ளிட்டோர் நடிப்பில் உருவாகியுள்ள திரைப்படம் ‘IF’. அட்வன்சர், பேன்டஸி, காமெடி திரைப்படமான இது மே 17ம் தேதி திரையரங்குகளில் வெளியாகியுள்ளது.
இந்த வார ஓடிடி ரிலீஸ்கள்
Thelma the Unicorn (ஆங்கிலம்) – Netflix
ஜெரட் ஹெஸ், லைன் வாங் இயக்கத்தில் உருவாகியுள்ள ஆக்ஷன், அட்வன்சர், அனிமேஷன் திரைப்படம் ‘Thelma the Unicorn’. இத்திரைப்படம் ‘Netflix’ ஓ.டி.டி தளத்தில் வெளியாகியுள்ளது.
இந்த வார வெப்சீரிஸ்கள்
தலைமைச் செயலகம் (தமிழ்) – Zee5
வசந்த பாலன் இயக்கத்தில் ‘ஆடுகளம்’ கிஷோர், பரத், ரம்யா நம்பீசன் உள்ளிட்டோர் நடிப்பில் உருவாகியுள்ள வெப்சீரிஸ் ‘தலைமைச் செயலகம்’. அரசியல் திரில்லர் வெப்சீரிஸான இது ‘Zee5’ ஓ.டி.டி தளத்தில் வெளியாகியுள்ளது.
Baahubali crown of blood (இந்தி) – Disney + Hotstar
‘பாகுபலி’ படத்தின் முந்தையக் கதையாக உருவாகியிருக்கிறது இது. மகிழ்மதி ராஜ்யத்தைக் கட்டியெழுப்பவும், அதற்கு வரும் ஆபத்துகளைத் தடுத்துப் பாதுகாக்கவும் பாகுபலி, பல்வால்தேவன் இருவரும் சேர்ந்து போராடுவதுதான் இதன் கதைகளம். ஆக்ஷன், அட்வன்சர்கள் நிறைந்த இந்த வெப்சீரிஸ் ‘Disney + Hotstar’ ஓ.டி.டி தளத்தில் வெளியாகியுள்ளது. சரத் தேவராஜன் இதை உருவாக்கியுள்ளார்.
Lampan (மராத்தி) – Sony Liv
நிபுன், தர்மாதிகரி இயக்கத்தில் கீதாஞ்சலி குல்கர்னி, காதம்பரி, சந்தரகாந்த் குல்கர்னி உள்ளிட்டோர் நடிப்பில் உருவாகியுள்ள திரைப்படம் ‘Lampan’. கிராமத்துச் சிறுவனின் பள்ளி வாழ்க்கை, பெற்றோர், நண்பர்கள், நட்பு, தாத்தா, பாட்டி, சேட்டைகள் என எல்லோரின் பள்ளி வாழ்க்கையை நினைவுபடுத்தும் ஜாலியான வெப்சீரிஸ் இது.
Outer Range Season 2 (ஆங்கிலம்) – Amazon Prime Video
ஜோஷ் ப்ரோலின், இமோஜென் பூட்ஸ், லில்லி டெய்லர் மற்றும் ஷான் சிபோஸ் உள்ளிட்டோர் நடிப்பில் உருவாகியுள்ள வெப்சீரிஸ் ‘Outer Range’. க்வினெத் ஹோர்டர்-பேட்டன், பிளாக்ஹார்ஸ் லோவ், டெபோரா காம்ப்மியர், ஜோஷ் ப்ரோலின் மற்றும் கேட்ரியோனா மெக்கென்சி ஆகியோர் இதை இயக்கியுள்ளனர். ஆக்ஷன், க்ரைம் திரில்லர் சர்வைவல் வெப்சீரிஸான இது ‘Amazon Prime Video’ ஓ.டி.டி தளத்தில் வெளியாகியுள்ளது.
Crash (கொரியன்) – Disney + Hotstar
ஜூன் வூ பார்க் இயக்கத்தில் லி மின்-கி, ஹியோ சங் டே, குவாக் சங் யெங் உள்ளிட்டோர் நடிப்பில் உருவாகியுள்ள வெப்சீரிஸ் ‘Crash’. கார் சாகசங்கள், க்ரைம், திரில்லர் நிறைந்த இந்த இன்வெஸ்டிகேஷன் வெப்சீரிஸ் ‘Disney + Hotstar’ ஓ.டி.டி தளத்தில் வெளியாகியுள்ளது.
Uncle Samsik (கொரியன்) – Disney + Hotstar
இயோன்-ஷிக் ஷின் இயக்கத்தில் அன்ஷு லாசன், லீ ஹைன் க்யூன், ரூ டா ஹூ உள்ளிட்டோர் நடிப்பில் உருவாகியுள்ள வெப்சீரிஸ் ‘Uncle Samsik’. இந்த வெப்சீரிஸ் ‘Disney + Hotstar’ ஓ.டி.டி தளத்தில் வெளியாகியுள்ளது.
தியேட்டர் டு ஓ.டி.டி
கள்வன் (தமிழ்) – Disney + Hotstar
பி.வி. சங்கர் இயக்கத்தில் ஜி.வி.பிரகாஷ், இவானா, பாரதிராஜா, ஞானசம்பந்தம் உள்ளிட்டோர் நடிப்பில் உருவாகியிருக்கும் திரைப்படம் ‘கள்வன்’. ஊருக்குள் சின்னச் சின்ன திருட்டில் ஈடுபட்டு வரும் ஜி.வி பிரகாஷ், வனக் காவலர் பணியில் சேர ஆசைப்படுகிறார். 2 லட்சம் கொடுத்தால்தான் அப்பணியில் சேர முடியும் என்ற நிலை ஏற்பட, அதற்காக பல சதிச் செயல்களைச் செய்ய முயல்கிறார். இதற்கிடையில் ஜி.வி.பிரகாஷ், ஏன் பாரதிராஜாவைத் தாத்தாவாகத் தத்தெடுக்கிறார், அவர் ஆசைப்பட்ட வனக் காவலர் பணி கிடைத்ததா என்பதுதான் இதன் கதைக்களம். இத்திரைப்படம் ‘Disney + Hotstar’ ஓ.டி.டி தளத்தில் வெளியாகியுள்ளது.
Hot Spot (தமிழ்) – Aha
விக்னேஷ் கார்த்திக் இயக்கத்தில் கலையரசன், கௌரி ஜி கிஷன், ஆதித்யா பாஸ்கர், அம்மு அபிராமி, ஜனனி ஐயர் உள்ளிட்டோர் நடிப்பில் உருவாகியுள்ள திரைப்படம் ‘Hot Spot’. காதல் மற்றும் உறவுச் சிக்கல்களைப் பற்றி பேசும் இத்திரைப்படம் ‘Aha’ ஓ.டி.டி தளத்தில் வெளியாகியுள்ளது.
The Boys (தமிழ்) – Aha
‘ஹர ஹர மஹாதேவகி’, ‘இருட்டு அறையில் முரட்டு குத்து’ படங்களை எடுத்த சந்தோஷ் பி.ஜெயக்குமார் இயக்கி நடித்திருக்கும் திரைப்படம் ‘The Boys’. ஷா ரா, கே.பி.வினோத், மொட்ட ராஜேந்திரன், ரெடின் கிங்ஸ்லி உள்ளிட்டோர் இதில் நடித்துள்ளனர். இத்திரைப்படம் ‘Aha’ ஓ.டி.டி தளத்தில் வெளியாகியுள்ளது.
Bastar: The Naxal Story (இந்தி) – Zee 5
சுதிப்தோ சென், விபுல் அம்ருத்லால் ஷா இயக்கத்தில் பூர்ணேந்து பட்டாச்சார்யா, அனங்ஷா பிஸ்வாஸ், சஞ்சய் போர்கர் உள்ளிட்டோர் நடிப்பில் உருவாகியுள்ள திரைப்படம் ‘Bastar: The Naxal Story’. சத்தீஸ்கர் மாநிலத்தின் நக்சல் போராட்டக்காரர்களைப் பற்றியஇத்திரைப்படம் ‘ Zee 5’ ஓ.டி.டி தளத்தில் வெளியாகியுள்ளது.
Blink (கன்னடம்) – Amazon Prime Video
ஶ்ரீநிதி இயக்கத்தில் சைத்ரா J. அசார், சுரேஷ் அனகல்லி, ரவி அனேகா உள்ளிட்டோர் நடிப்பில் உருவாகியுள்ள திரைப்படம் ‘Blink’. சயின்ஸ் பிக்ஷன் திரைப்படமான இது ‘Amazon Prime Video’ ஓ.டி.டி தளத்தில் வெளியாகியுள்ளது.
Madame Web (ஆங்கிலம்) – Netflix
எஸ்.ஜே. கிளார்க்சன் இயக்கத்தில் டகோட்டா ஜான்சன், சிட்னி ஸ்வீனி, இசபெலா மெர்சிட் உள்ளிட்டோர் நடிப்பில் உருவாகியுள்ள திரைப்படம் ‘Madame Web’. மார்வெல் காமிக்ஸை அடிப்படையாகக் கொண்ட சயின்ஸ் பிக்சன் ஆக்ஷன் திரில்லர் திரைப்படமான இது ‘Netflix’ ஓ.டி.டி தளத்தில் வெளியாகியுள்ளது.