ஜியோ ரயில் ஆப்: நீங்கள் அடிக்கடி இந்திய ரயில்வேயில் பயணம் செய்து, கன்பார்ம் ரயில் டிக்கெட்டுகளை முன்பதிவு செய்வதிலும் சிக்கல் இருந்தால், இப்போது நீங்கள் அதிகம் கவலைப்படத் தேவையில்லை. உண்மையில், கன்பார்ம் ரயில் டிக்கெட்டுகளை முன்பதிவு செய்ய இப்போது நீங்கள் ஜியோவின் ரயில் செயலியை முயற்சி செய்யலாம். ஆம், கன்பார்ம் ரயில் டிக்கெட்டுகளைப் பெறுவதற்கு ஜியோவின் இந்தப் செயலி உதவிகரமாக இருக்கும். இப்போது ஜியோ எல்லா இடங்களிலும் ஆதிக்கம் செலுத்தி வரும் நிலையில், ரயில் டிக்கெட் முன்பதிவு செய்வதிலும் இப்போது ஆதிக்கம் செலுத்த தொடங்கியிருக்கிறது. கன்பார்ம் ரயில் டிக்கெட்டுகளைப் பெற ஜியோ ரயில் செயலியை எப்படி பயன்படுத்துவது என்பதை இப்போது பார்க்கலாம்.
ஜியோ ரயில் செயலி ( Jio Rail app)
ஜியோ ரயில் ஆப் என்பது ரிலையன்ஸ் ஜியோவால் 2019 இல் அறிமுகப்படுத்தப்பட்ட மொபைல் அப்ளிகேஷன் ஆகும், இது ஜியோ ஃபோன் பயனர்களுக்காக பிரத்யேகமாக வடிவமைக்கப்பட்டுள்ளது. இந்த ஆப்ஸ் மூலம் உடனடியாக பல்வேறு ரயில்களில் டிக்கெட் முன்பதிவு செய்யலாம். UPI, டெபிட்/கிரெடிட் கார்டுகள் மற்றும் ஜியோ Money போன்ற பல்வேறு கட்டண விருப்பங்களை இந்த ஆப் மூலம் பயன்படுத்தலாம். மற்ற செயலிகளில் செய்வதைப் போலவே பயண தேதி, பயணிகள் விவரம், செல்ல வேண்டிய ஊர் ஆகியவற்றை தேர்வு செய்து கட்டணம் செலுத்தினால், சீக்கிரம் டிக்கெட் கன்பாரம் என்ற செய்தியை பெறுவீர்கள்.
PNR நிலையைச் சரிபார்க்கலாம்:
ஜியோ ரயில் செயலியில் உங்கள் PNR எண்ணை உள்ளிட்டு உங்கள் ரயில் டிக்கெட்டின் நிலையைப் பார்க்கலாம். ரயிலின் தற்போதைய இருப்பிடம், வருகை மற்றும் புறப்படும் நேரம் மற்றும் தாமதங்கள் போன்ற தகவல்களை ஆப்ஸ் காண்பிக்கும். இதுதவிர, ஜியோ ரயில் செயலியில் நீங்கள் ரயில் நிலையங்கள், ரயில்கள் மற்றும் கட்டணங்கள் பற்றிய தகவல்களையும் பெறலாம். இந்த செயலியில் உங்கள் ரயில் டிக்கெட்டுகள் மற்றும் பயண வரலாற்றைப் பார்க்கலாம். ஜியோ ரயில் ஆப் இந்தி மற்றும் ஆங்கிலம் உட்பட பல மொழிகளை ஆதரிக்கிறது.
ஜியோ ரயில் செயலி எவ்வாறு செயல்படுகிறது:
– கூகுள் ப்ளே ஸ்டோரிலிருந்து ஜியோ ரெயில் செயலியை பதிவிறக்கம் செய்து இன்ஸ்டால் செய்யவும்.
– செயலியை திறந்து உங்கள் ஜியோ தொலைபேசி எண்ணை உள்ளிடவும்.
– உங்களுக்கு OTP அனுப்பப்படும், அதை நீங்கள் ஜியோ ரயில் செயலியில் உள்ளிட வேண்டும்.
– உங்கள் கணக்கை அமைக்க, நீங்கள் சில அடிப்படை தகவல்களை வழங்க வேண்டும்.
– இப்போது நீங்கள் ரயில் டிக்கெட்டுகளை முன்பதிவு செய்யலாம், PNR நிலையை சரிபார்க்கலாம் மற்றும் Jio Rail App இன் பிற அம்சங்களைப் பயன்படுத்தலாம்.
குறிப்பு: ஜியோ ரெயில் ஆப் ஜியோ ஃபோன் பயனர்களுக்கு மட்டுமே கிடைக்கும். இது ஸ்மார்ட்போன்களில் வேலை செய்யாது.