ஆஸ்திரேலியாவை பழிதீர்த்தது ஆப்கானிஸ்தான்… இந்திய அணிக்கு பெரிய ஆபத்து – காரணம் என்ன?

AUS vs AFG Match Highlights: ஐசிசி டி20 உலகக் கோப்பை 2024 தொடர் தற்போது பரபரப்பான கட்டத்தை எட்டிவிட்டது எனலாம். குரூப் சுற்று போட்டிகளிலேயே பல அணிகளுக்கு அதிர்ச்சி காத்திருந்தது. நியூசிலாந்து, பாகிஸ்தான், இலங்கை உள்ளிட்ட அணிகளால் சூப்பர் 8 சுற்றுக்குள் நுழையவே முடியவில்லை. அமெரிக்கா, ஆப்கானிஸ்தான், வங்கதேசம் ஆகிய அணிகள் சூப்பர் 8 சுற்றுக்கு நுழைந்தது. ஆனால், இதனை பலரும் கேள்விக்குட்படுத்தினர். இதுபோன்ற அணிகள் சூப்பர் 8 சுற்றுக்கு வந்தாலும் பலன் இருக்காது, பெரிய அணிகள் எளிதாக சூப்பர் 8 சுற்றில் வெற்றி பெற்றுவிடும் என கூறி வந்தனர். 

ஆனால் இந்த அத்தனை பேச்சுக்களையும் தாண்டி இன்று வரலாற்று சிறப்புமிக்க வெற்றியை ஆப்கானிஸ்தான் இன்று பதிவு செய்துள்ளது. சூப்பர் 8 சுற்றில் ஆஸ்திரேலியாவுக்கு எதிரான இன்றைய போட்டியில் அந்த அணியின் சிறப்பான பந்துவீச்சால் 21 ரன்கள் வித்தியாசத்தில் வெற்றி பெற்று அசத்தியுள்ளது. ஆப்கானிஸ்தானின் இந்த வெற்றியால் சூப்பர் 8 சுற்றில் இப்போதுதான் சூடுபிடித்துள்ளது எனலாம். இந்தியா, ஆஸ்திரேலியா, ஆப்கானிஸ்தான், வங்கதேசம் ஆகிய அணிகள் இடம்பெற்ற முதல் குரூப்பில் இன்னும் இரண்டு போட்டிகள் மட்டுமே உள்ளன. இந்த இரண்டு போட்டிகளும் இப்போது முக்கியத்துவம் பெற்றுள்ளது.