மழைக்காலம் இரு சக்கர வாகன ஓட்டுநர்களுக்கு சில சவால்களை ஏற்படுத்துகிறது. வாகனம் பழுதாகிவிடுமோ என்ற அச்சம் ஒரு பக்கம் வாட்டுவதோடு, வழுக்கும் சாலைகள் வாகனம் ஓட்டுபவர்களுக்கு பாதுகாப்பு அச்சுறுத்தலை கொடுக்கிறது. இந்நிலையில், மழை காலத்தில், உங்கள் இரு சக்கர வாகனத்தை பாதுகாப்பாக வைத்திருக்கவும், பாதுகாப்பாக வாகனம் ஓட்டவும் கடைபிடிக்க வேண்டிய சில விஷயங்களை அறிந்து கொள்ளலாம்.
டயர்கள் அளிக்கும் பாதுகாப்பான பயணம்
இரு வாகனம் ஓட்டும் போது பாதுகாப்பாக இருக்க, டயர்களில் சரியான காற்றழுத்தத்தை பராமரிப்பது மிகவும் முக்கியம். உங்கள் வாகனத்திற்கு எந்த அளவு தேவையோ அந்த அளவிற்கு டயர்களில் காற்றை நிரப்பவும். மழைக்காலத்தில் வழுக்கும் சாலைகளில், ஓட்டும் போது, வாகனம் பேலன்ஸ் தவறாமல் இருக்கும் டயர்கள் உதவும். டயர்களின் நிலையையும் பரிசோதிக்கவும். டயர் அதிகமாக தேய்ந்திருந்தால், அதனை பயன்படுத்துவது சரியல்ல. புதிய டயர்களை மாற்றுவது புத்திசாலித்தனம். இது உங்கள் பாதுகாப்பிற்கு மட்டுமல்ல, சாலையில் பயணிக்கும் மற்றவர்களின் பாதுகாப்பிற்கும் முக்கியமானது.
வயரிங் சரியாக உள்ளதா என்பதை உறுதிபடுத்திக் கொள்ளுதல்
பழுதடைந்த தளர்வான வயரிங் அல்லது இணைப்பிகள் பைக்கில் உள்ள பாகங்களுக்கு அரிப்பு மற்றும் சேதத்தை ஏற்படுத்தும். மழைக்காலத்தில் (Monsoon Tips) மோசமான வயரிங் காரணமாக ஸ்பீடோ மீட்டர் போன்ற பாகங்களும் சேதமடையலாம். எனவே, உங்கள் பைக்கின் அனைத்து வயரிங் அம்சங்களும் சரியாக செய்யப்பட்டுள்ளதா என்பதை உறுதிப்படுத்திக் கொள்ளவும். மேலும் இண்டிகேட்டர்கள், ஹெட்லைட்கள் மற்றும் டெயில்லைட்களும் ஆன் செய்து பரிசோதித்தும் இவற்றில் ஏதேனும் வேலை செய்யவில்லை என்றால், உடனடியாக அதை சீர் செய்யவும்.
மழை கால உடைகள் அல்லது ரைடிங் கியர் பாதுகாப்பு
பைக் ஓட்டுகையில் வாட்டர் ப்ரூஃப் கியர்கள் எனப்படும் பிரத்யேக உடைகள் அணிவது சிறந்தது என்றாலும், எல்லோராலும் வாங்க முடியும் என கூற இயலாது. ஏனெனில் அதன் விலை அதிகம். அதற்கு பதிலாக, சாதாரணமாக கிடைக்கும் மழை கால உடைகள் அவசியம். இவை, வாகனம் ஓட்டும் போது இடையூறு ஏற்படாத வகையில், போதுமான அளவு தளர்வாக இருக்க வேண்டும், அதனால் அது , ஆனால் காற்றில் படாதபடி அல்லது எந்தப் பகுதியிலும் சிக்காமல் இருக்கும். நீங்கள் பைக்கை ஓட்டும் போது வசதியாக ஓட்டினால் தான் பாதுக்காப்பாக இருக்க முடியும். இல்லை என்றால் உங்கள் கவனம் சிதறும் வாய்ப்பு உண்டு.
பேட்டரியை சரிபார்த்தல்
உங்கள் பைக்கின் உயிர்நாடியாக உள்ள பேட்டரியை கவனிப்பது முக்கியம். பேட்டரி மிகவும் பழையதாக இருந்தால், அதை மாற்றுவது நல்லது. ஆனால், பழுது பார்க்க முடியும் என்றால், அதனை சரி செய்தும் பயன்படுத்தலாம். பேட்டரி கனெக்டர்களில் சிறிதளவு பெட்ரோலியம் ஜெல்லியை தடவுவதன் மழைநீரில் இருந்து பாதுகாக்கவும். பெட்ரோலியம் ஜெல்லியைப் பயன்படுத்துவது பேட்டரி டெர்மினல்கள் துருப்பிடிப்பதைத் தடுக்கும்.
பாகங்களை லூப்ரிகேட் செய்யவும்
மழைக்காலத்தில் சங்கிலி மற்றும் பிற நகரும் பாகங்களை சரியாக பராமரிப்பது மிகவும் முக்கியம். மழை நீர் இந்த பகுதிகளுக்கு இடையே உள்ள கிரீஸை நீக்கி விடலாம். இதனால் உராய்வை அதிகரிப்பதோடு, துருப்பிடிக்கும் அபாயத்தையும் அதிகரிக்கிறது. எனவே உங்கள் பைக் அல்லது ஸ்கூட்டரின் சங்கிலி, த்ரோட்டில் கேபிள் மற்றும் பிற முக்கிய பாகங்களை தொடர்ந்து உயவூட்டுங்கள். நீர்ப்புகா செயின் லூப் பயன்படுத்துவது நீண்ட கால பாதுகாப்பிற்கு இன்னும் பயனுள்ளதாக இருக்கும்.
வாகனத்தை சுத்தமாக பராமரிப்பது மிக அவசியம்
மழையில் பயணம் செய்த பிறகோ அல்லது மோசமான சாலைகளில் சவாரி செய்த பிறகோ உங்கள் பைக்கை சுத்தம் செய்ய மறக்காதீர்கள். தினமும் கழுவ வேண்டிய அவசியமில்லை. முடிந்தால் பிரஷர் வாஷ் பயன்படுத்தலாம். இரு சக்கர வாகனம் மட்டுமல்லாது, உங்கள் ரெயின்கோட், ஹெல்மெட், ஜாக்கெட், கையுறை மற்றும் பூட்ஸ் ஆகியவற்றையும் கவனித்துக் கொள்ளுங்கள். மழை கால பாதுகாப்பு உடைகள் ஈரமாக இருந்தால் பூஞ்ஞை வளரும் அபாயம் உள்ளது. எனவே, நீங்கள் அதை உலர்ந்த இடத்தில் வைக்க வேண்டும்.