ரிலையன்ஸ் ஜியோ ரீசார்ஜ் திட்டம்: ஆசியாவின் மிகப் பெரிய பணக்காரரான முகேஷ் அம்பானியின் தொலைத்தொடர்பு நிறுவனமான ரிலையன்ஸ் ஜியோ சில நாட்களுக்கு முன், ரீசார்ஜ் திட்டங்களின் கட்டணங்களை உயர்த்தி வாடிக்கையாளர்களுக்கு அதிர்ச்சி கொடுத்தது. இதனை தொடர்ந்து பிற தனியார் தொலைத் தொடர்பு நிறுவனங்களான, ஏர்டெல் மற்றும் வோடபோன் நிறுவனங்களும் ரீசார்ஜ் கட்டணங்களை உயர்த்தின.
கட்டண உயர்வு உள்ள போதிலும், ஜியோவின் (Reliance JIO) உள்ள பல ரீசார்ஜ் திட்டங்கள் பயனர்களுக்கு பல நன்மைகளை வழங்குவதாகவே இருக்கின்றன. அதிக அளவில் இணைய வசதியை பயன்படுத்தும் வாடிக்கையாளர்களுக்கு ஏற்ற வகையில், அதிக டேட்டாவை வழங்கும் திட்டங்கள் இருக்கின்றன. அதிக அளவில் அழைப்புகளை செய்யும் வாடிக்கையாளர்களுக்கு ஏற்ற வகையில், சில திட்டங்களில் வரம்பற்ற அழைப்பு வசதி கிடைக்கும். அந்த வகையில், ஜியோவின் 11 மாதங்களுக்கான திட்டம் பற்றி அறிந்து கொள்ளலாம்.
ஜியோவின் 11 மாத கால ரீசார்ஜ் திட்டத்திற்கான கட்டணம் ரூ.1899. இந்த திட்டம் நீண்ட கால வேலிடிட்டி கொண்டுள்ளதோடு பல நன்மைகளுடன் வருகிறது. பயனர்களிடையே மிகவும் பிரபலமாக உள்ளது. இந்தத் திட்டத்தைப் பற்றி விரிவாக அறிந்து கொள்ளலாம்.
ரிலையன்ஸ் ஜியோ ரூ.1899 ப்ரீபெய்ட் திட்டம் (Reliance Jio Rs.1899 Plan Details)
ரூ.1899 கட்டணத்தில் கிடைக்கும் இந்த ஜியோ ப்ரீபெய்ட் திட்டத்தில், மொத்தம் 24 ஜிபி அதிவேக டேட்டா கிடைக்கும். இருப்பினும், தரவு தீர்ந்த பிறகு, கூடுதலாக டேட்டா வேண்டும் என்றால், நீங்கள் மீண்டும் ரீசார்ஜ் செய்யலாம். 3600 எஸ்எம்எஸ் மற்றும் இலவச வரம்பற்ற அழைப்பு ஆகியவற்றின் பலனைப் பெறுவீர்கள். இந்தத் திட்டத்தில் நீங்கள் எந்த நெட்வொர்க்கிலும் வரம்பற்ற அழைப்பு வசதியைப் பெறுவீர்கள்.
ரீசார்ஜ் பிளான் செல்லுபடியாகும் காலம்: 11 மாதங்கள் ( 336 நாட்கள்)
மொத்த தரவு: 24 ஜிபி
தொலைபேசி அழைப்பு: அன்லிமிடெட் காலிங்
மற்ற நன்மைகள்: இந்த திட்டத்தில் நீங்கள் ஜியோ டிவி, ஜியோ சினிமா மற்றும் ஜியோ கிளவுட் ஆகியவற்றின் சந்தாவையும் பெறுவீர்கள்.
இந்த திட்டம் யாருக்கு பலனளிக்கும்
குறைந்த விலையில் அதிக வேலிடிட்டி கொண்ட திட்டத்தை விரும்புவோருக்கும், வரம்பற்ற அழைப்பு மற்றும் குறைவான டேட்டா தேவைப்படுபவர்களுக்கு இந்த திட்டம் ஒரு சிறந்த தேர்வாக இருக்கும். இது தவிர, ஜியோ பயன்பாடுகளின் சந்தாவும் இதில் கிடைக்கிறது.