எதிர்வரும் இங்கிலாந்து சுற்றுப்பயணத்தின் போது இலங்கை அணியின் துடுப்பாட்ட பயிற்றுவிப்பாளராக இங்கிலாந்து அணியின் முன்னாள் வீரர் இயன் பெல்லை நியமிக்க இலங்கை கிரிக்கெட் நிறுவனம் தீர்மானித்துள்ளது.
இதன்படி, எதிர்வரும் ஆகஸ்ட் மாதம் 16ஆம் திகதி முதல் அவர் இலங்கை அணியுடன் இணைந்து செயற்படவுள்ளதாக இலங்கை கிரிக்கெட் சபை அறிக்கையொன்றை வெளியிட்டுள்ளது.
உலக டெஸ்ட் சாம்பியன்ஷிப்பின் கீழ், இங்கிலாந்துக்கு எதிரான இந்தத் தொடரில் 3 டெஸ்ட் போட்டிகள் இடம்பெறும்;, இந்த போட்டிகள் முடிவடையும் வரை இயன் பெல் இலங்கை அணியின் பயிற்றுவிப்பாளராக செயற்படுவார்;.
இங்கிலாந்துக்காக 118 டெஸ்ட் போட்டிகளில் விளையாடியுள்ள இயன் பெல், ஒரு இன்னிங்சில் 42.69 சராசரியுடன் 7727 ஓட்டங்களை எடுத்துள்ளார். இயன் பெல் 22 டெஸ்ட் சதங்களையும், 46 அரைசதங்களையும் பெற்றுள்ளார், மேலும் ஒரு இன்னிங்ஸில் அதிகபட்ச ஸ்கோராக 235 இரட்டை சதமும் பெற்றுள்ளார் என்பது குறிப்பிடத்தக்கது.