சின்னத்திரை நடிகையாக ரசிகர்கள் மத்தியில் அறிமுகமானவர் ரித்திகா. `பாக்கியலட்சுமி’ தொடர் இவருக்கென தனியொரு அடையாளத்தைப் பெற்று தந்தது.
அதன் பிறகு விஜய் டிவியில் ஒளிபரப்பான `குக்கு வித் கோமாளி’ நிகழ்ச்சியிலும் இவர் போட்டியாளராக கலந்து கொண்டார்.
ரித்திகாவிற்கும் வினு நாராயண் எப்பவருக்கும் 2022ஆம் ஆண்டு திருமணம் நடைபெற்றது. திருமணத்திற்குப் பிறகும் `பாக்கியலட்சுமி’ தொடரில் நடித்துக் கொண்டிருந்தார். திடீரென அந்தத் தொடரிலிருந்து ரித்திகா விலக தற்போது அவருக்கு பதிலாக அந்தக் கதாபாத்திரத்தில் அக்ஷிதா அசோக் நடித்துக் கொண்டிருக்கிறார்.
ரித்திகா அவருடைய ரசிகர்களுக்கு அவர் கர்ப்பமாக இருக்கும் செய்தியை அறிவித்திருந்தார். அவருடைய ரசிகர்கள் பலரும் அவரை மிஸ் செய்வதாக தொடர்ந்து கமென்ட் செய்து வந்த நிலையில் மீண்டும் சமூகவலைதளப் பக்கங்களில் ஆக்டிவ் ஆக அவர் குறித்த அப்டேட்களை பகிர தொடங்கியிருக்கிறார்.
தற்போது ப்ரக்னன்ஸி ஃபோட்டோஷூட் ஒன்றை எடுத்திருக்கிறார். அந்தப் புகைப்படங்களை அவருடைய இன்ஸ்டாகிராம் பக்கத்தில், `தாய்மையின் முதல் அத்தியாயத்தில்!’ என்கிற கேப்ஷனுடன் பகிர்ந்திருக்கிறார். அந்தப் புகைப்படத்திற்கு சின்னத்திரை, வெள்ளித்திரை பிரபலங்கள் பலர் வாழ்த்துகள் கூறி வருகின்றனர்.
வாழ்த்துகள் ரித்திகா!