அமரன் (தமிழ், தெலுங்கு, மலையாளம், இந்தி)
கமல்ஹாசன் தயாரித்து ராஜ்குமார் பெரியசாமி இயக்கியிருக்கும் திரைப்படம் `அமரன்’. மேஜர் முகுந்த் வரதராஜனின் வாழ்க்கை வரலாற்றுப் படமான இதில் சிவகார்த்திகேயன், சாய் பல்லவி முன்னணி கதாபாத்திரத்தில் நடித்திருக்கின்றனர்.
தேசத்திற்காக உயிரைத் தியாகம் செய்த மேஜர் முகுந்த் வரதராஜனின் கதாபாத்திரத்தில் சிவகார்த்திகேயன் நடித்திருக்கிறார். அவரின் மனைவியாகச் சாய் பல்லவி நடித்திருக்கிறார். தேசப் பற்று மிக்க ராணுவ வீரரின் எல்லையற்ற அன்பு, தேசப் பற்று, தியாகம், வீரம், அவரது குடும்பம் பற்றிய உணர்வுப்பூர்வமான உண்மைக் கதையைச் சொல்லும் இத்திரைப்படம் தீபாவளிக்குத் திரையரங்குகளில் வெளியாகிறது.
Brother (தமிழ்)
இயக்குநர் எம். ராஜேஷ் இயக்கத்தில் வெளியாக இருக்கும் திரைப்படம் பிரதர். இப்படத்தில் ஜெயம் ரவி, பூமிகா, பிரியங்கா மோகன், நட்ராஜ் உள்ளிட்டோர் முக்கியமான வேடத்தில் நடிக்க இருக்கின்றனர். காமெடி, கலாட்டா, குடும்பத் திரைப்படமான இது தீபாவளிக்குத் திரையரங்குகளில் வெளியாகிறது.
Bloody Beggar (தமிழ்)
இயக்குநர் நெல்சன் தயாரிப்பில், சிவபாலன் முத்துக்குமார் இயக்கத்தில் உருவாகியுள்ள திரைப்படம் ‘Bloody Beggar’. ‘லிஃப்ட்’, ‘டாடா’ மற்றும் ‘ஸ்டார்’ படங்களில் நடித்த கவின் இப்படத்தில் கதாநாயகனாக நடித்திருக்கிறார். பிச்சைக்காராக இருக்கும் கவின், திடீரென பணக்காரராக ஒருவர் வீட்டில் நடிக்க வேண்டிய சூழல் கதாநாயகனுக்கு ஏற்படுகிறது. அது அவரது வாழ்க்கையை எப்படிப் புரட்டிப் போடுகிறது என்பதுதான் இதன் கதைக்களம். காமேடி திரைப்படமான இது இந்த தீபாவளிக்குத் திரையரங்குகளில் வெளியாகிறது.
Lucky Baskhar (தெலுங்கு)
வெங்கி அட்லுரி இயக்கத்தில் துல்கர் சல்மான், மீனாட்சி செள்த்ரி நடிப்பில் உருவாகியுள்ள திரைப்படம் ‘Lucky Baskhar’. க்ரைம், திரில்லர் திரைப்படமான இது இந்த தீபாவளிக்குத் திரையரங்குகளில் வெளியாகிறது.
Bagheera (கன்னம், தெலுங்கு)
சுரி இயக்கத்தில் ஶ்ரீ முரளி, பிரகாஷ் ராஜ், ருக்மினி உள்ளிட்டோர் நடிப்பில் உருவாகியுள்ள திரைப்படம் ‘Bagheera’. ஆக்ஷன் திரில்லர் திரைப்படமான இது தீபாவளிக்குத் திரையரங்குகளில் வெளியாகிறது.
KA (தெலுங்கு)
சுஜித் இயக்கத்தில் கிரண், தான்வி, நயன் ஷரிகா உள்ளிட்டோர் நடிப்பில் உருவாகியுள்ள திரைப்படம் ‘KA’. சஸ்பென்ஸ் திரைப்படமான இது தீபாவளிக்குத் திரையரங்குகளில் வெளியாகிறது.
ஓடிடி ரிலீஸ்கள்
லப்பர் பந்து (தமிழ்) – Disney+ Hotstar
தமிழரசன் பச்சமுத்து இயக்கத்தில் ஹரிஷ் கல்யாண், அட்டக்கத்தி தினேஷ், சஞ்சனா, பால சரவணன், டி.எஸ்.கே, ஜென்சன், தேவதர்ஷினி, காளி வெங்கட் உள்ளிட்டோர் நடிப்பில் உருவாகியுள்ள திரைப்படம் ‘லப்பர் பந்து’. கிரிக்கெட்டில் அனுபவம் வாய்ந்த ஆட்டக்காரராக இருக்கும் அட்டக்கத்தி தினேஷ், சிறந்த ஆட்டகாராக இருக்கும் துடிதுடிப்பான இளைஞரான ஹரிஷ் கல்யாண் இருவருக்குமிடையே நடக்கும் போட்டா போட்டிகள், பொறாமைகள், சரிக்குச் சரி நின்று தன்னை நிரூபித்துக் காட்ட வேண்டும் என்ற வேட்கை என கிரிக்கெட்டை மையமாக வைத்து எடுக்கப்பட்டிருக்கும் திரைப்படம் இது. இத்திரைப்படம் தீபாவளி அன்று ‘Disney+ Hotstar’ ஓடிடி தளத்தில் வெளியாகவுள்ளது.
அஞ்சாமை (தமிழ்) – Aha
எஸ்.பி. சுப்புராமன் இயக்கத்தில் விதார்த், வாணி போஜன், ரகுமான், கிருத்திக் மோகன் நடிப்பில் உருவாகியுள்ள திரைப்படம் ‘அஞ்சாமை’. எளிமையான குடும்பத்தைச் சேர்ந்த நாடகக் கலைஞர் தன் மகனின் மருத்துவர் கனவை நிறைவேற்றப் போராடுவதுதான் இதன் கதைக்களம். நீட் நுழைவுத்தேர்வைப் பற்றியும், அதைச் சுற்றி நடக்கும் அரசியல் பற்றிப் பேசும் இப்படம் ‘Aha’ ஓடிடி தளத்தில் வெளியாகிறது.
ஹிட்லர் (தமிழ்) – Amazon Prime Video
தனா இயக்கத்தில் விஜய் ஆண்டனி, ரியா சுமன், கெளதம் வாசுதேவ் மேனன் உள்ளிட்டோர் நடிப்பில் உருவாகியுள்ள திரைப்படம் ‘ஹிட்லர்’. ஆக்ஷன் திரில்லர் திரைப்படமான இது ‘Amazon Prime Video’ ஓடிடி தளத்தில் வெளியாகியுள்ளது.
இவைத் தவிர கடந்த வாரம் வெளியாகியிருக்கும் திரைப்படங்கள்
மெய்யழகன் – Netflix
கடைசி உலகப் போர் – Amazon Prime Video
சினிமா விகடனின் பிரத்யேக Whatsapp க்ரூப்
https://chat.whatsapp.com/E0QlpeNbGHnF9W5rFKCVSU
சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள…
உங்கள் வாட்ஸ் அப் மூலமே இணைந்திருங்கள் சினிமா விகடனுடன்…