மகிழ் திருமேனி இயக்கத்தில், அஜித் நடிப்பில் வெளியாக இருக்கும் திரைப்படம் ‘விடாமுயற்சி’.
லைகா நிறுவனம் தயாரித்திருக்கும் இப்படத்திற்கு அனிருத் இசையமைத்திருக்கிறார். இப்படத்தில் அர்ஜூன், த்ரிஷா, ஆரவ், ரெஜினா உள்ளிட்ட பலர் நடித்திருக்கின்றனர். ‘விடாமுயற்சி’ படத்தின் ரிலீஸ் தேதி அறிவிப்பை ரசிகர்கள் எதிர்ப்பார்த்து காத்துக்கொண்டிருக்கின்றனர். இந்நிலையில் நேர்காணல் ஒன்றில் இப்படம் குறித்து சில விஷயங்களைப் பகிர்ந்திருக்கிறார் ரெஜினா.
“விடாமுயற்சி திரைப்படம் மிகச்சிறப்பாக உருவாகி வருகிறது. இந்த படத்தில் நடிப்பதற்கு முன்பு எனக்கு அஜித் சாரை தெரியாது. ஆனால் இந்த படத்திற்கு பின் அஜித் சாரை எல்லாரும் சந்திக்க வேண்டும் என்று சொல்வேன். அஜித் சாரைப் போல ஒரு மனிதரை நான் சந்தித்ததே இல்லை. இந்த படம் சிறப்பாக வெளியாக வேண்டும் என்பதில் அவர் மிகவும் கவனமாக இருந்து வருகிறார்.
இப்படத்தின் 90 சதவீத படப்பிடிப்பு அஜர்பைஜானில் நடைபெற்றது. மகிழ் திருமேனி இப்படத்தை சிறப்பாக இயக்கியிருக்கிறார். நான் ஒரு சுவாரஸ்யமான கதாபாத்திரத்தில் நடித்திருக்கிறேன். இந்த கதாபாத்திரத்தை என்மேல் நம்பிக்கை வைத்து கொடுத்திருக்கிறார்கள். இந்த படம் வெளியாவதற்கு நானும் மிகவும் ஆர்வமாக காத்திருக்கிறேன்” என்று கூறியிருக்கிறார்.
சினிமா விகடனின் பிரத்யேக Whatsapp க்ரூப்
https://chat.whatsapp.com/KzgH8aPb2MI9PVttY53JpX
சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள…
உங்கள் வாட்ஸ் அப் மூலமே இணைந்திருங்கள் சினிமா விகடனுடன்…