அறிமுக இயக்குநர் சித்தார்த் விஸ்வநாத் இயக்கத்தில், ஆர்.ஜே பாலாஜி நடிப்பில் உருவாகியுள்ள படம் ‘சொர்க்கவாசல்’.
ஸ்வைப் ரைட் ஸ்டூடியோஸ் மற்றும் திங் ஸ்டூடியோஸ் நிறுவனங்கள் தயாரித்துள்ள இப்படத்தில் செல்வராகவன், நட்டி, கருணாஸ், சானியா ஐயப்பன் உள்ளிட்ட பலர் நடித்துள்ளனர். கிறிஸ்டோ சேவியர் இசையமைத்துள்ள இப்படம் சிறை வாழ்க்கையை மையப்படுத்தி உருவாகி இருக்கிறது.
கடந்த மாதம் இப்படத்தின் ஃபர்ஸ்ட் லுக் மற்றும் டீசர் வெளியாகி பலரது கவனத்தை ஈர்த்திருந்தது. குறிப்பாக காமெடி கலந்த கதாபாத்திரத்தில் மட்டுமே கவனம் செலுத்தி வந்த ஆர்.ஜே பாலாஜி இந்தப் படத்தில் சீரியஸான கதாபாத்திரத்தில் நடித்திருப்பதும் ரசிகர்களின் கவனத்தை ஈர்த்திருக்கிறது. இப்படம் வருகிற 29ஆம் தேதி வெளியாகவுள்ள நிலையில் படத்தின் ட்ரெய்லர் இன்று வெளியாகி இருக்கிறது.
படத்தின் டிரைலர் வெளியீட்டு விழாவில் படக்குழுவினர், லோகேஷ் கனகராஜ், அனிருத் உள்ளிட்ட சிலர் கலந்துகொண்டிருக்கின்றனர். இந்நிகழ்ச்சியில் பேசிய லோகேஷ் கனகராஜ், ” இந்தப் படத்தில் பணிபுரிந்தவர்கள் எல்லோரும் என்னுடைய நண்பர்கள். முதலில் படக்குழுவினருக்கு என்னுடைய வாழ்த்துக்கள். ட்ரெய்லர் மிகவும் நன்றாக இருந்தது.
ஆறு மாதத்திற்கு முன்பு படத்தின் காட்சிகளைப் பார்த்தேன். அப்போது நடிகர் ஆர்.ஜே பாலாஜி உருவாகிவிட்டார் என்றேன். கைதி 2-விலும் ஜெயில் சீன்கள் இருக்கிறது. இந்தப் படத்தில் ஆர்.ஜே பாலாஜி என்ன பண்ணியிருக்காரு என்று தெரியவில்லை. படம் பார்த்துவிட்டு அதற்கு ஏற்ற மாதிரி கைதி 2வை மாற்றணும்” என்று சிரித்துக்கொண்டே பேசியிருக்கிறார்.
நீங்கள் விரும்பி படித்த தொடர்கள், இப்போது ஆடியோ வடிவில்… புத்தம் புதிய விகடன் ப்ளே… உங்கள் அன்றாட பணிகளை கவனித்துக் கொண்டே ரசித்து கேட்க, உடனே இன்ஸ்டால் செய்யுங்கள்…
https://bit.ly/MadrasNallaMadras
