இடாநகர்: அருணாச்சல பிரதேச மாநிலத்திலுள்ள ஒரு பள்ளியில் மேல்நிலை தண்ணீர் தொட்டி இடிந்து விழுந்து 3 மாணவர்கள் உயிரிழந்தனர்.
அருணாச்சல பிரதேச மாநிலம் நாகரலகூன் பகுதியில் உள்ள கிராமத்தில் செயின்ட் அல்போன்சா பள்ளி உள்ளது. இந்நிலையில் இந்த பள்ளி வளாகத்தில் அமைந்திருந்த மேல்நிலை தண்ணீர்த் தொட்டி நேற்று திடீரென இடிந்து விழுந்தது.
இந்த விபத்தில் அங்கு விளையாடிக் கொண்டிருந்த 6 மாணவர்கள் சிக்கி படுகாயமடைந்தனர். இதையடுத்து அவர்கள் மீட்கப்பட்டு அருகிலுள்ள மருத்துவமனையில் சேர்க்கப்பட்டனர். இதில் சிகிச்சை பலனின்றி 3 பேர் உயிரிழந்தனர். மேலும் 3 பேருக்கு சிகிச்சை அளிக்கப்பட்டு வருவதாக மாவட்ட போலீஸ் எஸ்.பி. மிஹின் காம்போ தெரிவித்தார்.
இறந்த அனைவரும் 9-ம் வகுப்பு மாணவர்கள் என்பது குறிப்பிடத்தக்கது.