பாபா சாகேப் அம்பேத்கர் தலைமையில் உருவாக்கப்பட்ட அரசியல் சாசனம் அமலுக்கு வந்த 76-ம் ஆண்டின் குடியரசுத் தினம் இன்று. நாடு முழுவதும் கொண்டாடப்படும் இந்த தினத்தில் பிரதமர் மோடி தன் எக்ஸ் பக்கத்தில் வாழ்த்துகளைத் தெரிவித்திருக்கிறார். அவர் தன் எக்ஸ் பக்கத்தில், “குடியரசு தின வாழ்த்துக்கள். இன்று, நாம் ஒரு குடியரசு நாடாக 75 ஆண்டுகள் நிறைவடைந்ததைக் கொண்டாடுகிறோம். நமது அரசியலமைப்பை உருவாக்கி, ஜனநாயகம், கண்ணியம், ஒற்றுமை மீது நமது நாடு பயணிப்பதை உறுதி செய்யும் ஒவ்வொரு ஆணுக்கும், பெண்ணுக்கும் தலைவணங்குகிறோம். நமது அரசியலமைப்பின் இலட்சியங்களைப் பாதுகாப்பதற்கும், வலுவான, வளமான இந்தியாவை நோக்கி உழைப்பதற்கும் இந்தச் சூழல் நமது முயற்சிகளை வலுப்படுத்தட்டும்.” எனக் குறிப்பிட்டிருக்கிறார்.
தமிழ்நாட்டின் முதல்வர் ஸ்டாலின், “இந்த 76-வது குடியரசு தினத்தில், அனைவருக்கும் நீதி, சமத்துவம், கண்ணியத்தை உறுதி செய்யும் நமது அரசியலமைப்பின் அடித்தளத்தை போற்றுவோம். இந்த நாள் ஒரு முற்போக்கான, இரக்கமுள்ள இந்தியாவை உருவாக்குவதற்காக நமக்கு கொடுக்கப்பட்டிருக்கும் கடமையைநமது பகிரப்பட்ட கடமையை நமக்கு நினைவூட்டுகிறது. அனைவருக்கும் நம்பிக்கையுடன், குறிக்கோள் நிறைந்த குடியரசு தின வாழ்த்துக்கள்.” எனத் தெரிவித்திருக்கிறார்.