பிரதீப் ரங்கநாதன் நடிப்பில் அஸ்வத் மாரிமுத்து இயக்கிய டிராகன் திரைப்படம், மிகப்பெரிய வெற்றியைப் பெற்றுள்ளது. இந்தப் படத்தில் நடித்த அனுபமா பரமேஸ்வரன், கயடு லோஹர், மிஸ்கின், கெளதம் வாசுதேவ் மேனன், மரியம் ஜார்ஜ், வி.ஜே.சித்து, ஹர்ஷத் கான் எனப் பலரும் பாராட்டுகளைப் பெற்றுள்ளனர்.
கடந்த பிப்ரவரி மாதம் 21ம் தேதி வெளியான இந்த திரைப்படம், 100 கோடிக்கு மேல் வசூல் செய்துள்ளதாக தயாரிப்பு நிறுவனம் அறிவித்துள்ளது.
ரசிகர்கள் மட்டுமல்லாமல் திரையுலகினரும் படக்குழுவுக்கு வாழ்த்துகளைத் தெரிவித்துள்ளனர்.
அஸ்வத் மாரிமுத்துவின் முந்தைய படமான ஓ மை கடவுளே திரைப்படமும் ரசிகர்களின் பெரும் ஆதரவைப் பெற்றது. பிரதீப் ரங்கநாதனும் லவ் டுடே என்ற ஹிட் படத்தைத் தொடர்ந்து டிராகனில் நடித்திருந்ததால், இந்த படத்துக்கு முன்னரே பெரிய எதிர்பார்ப்பு நிலவியது.
ரசிகர்களின் எதிர்பார்ப்பை பூர்த்தி செய்த நிறைவில் உள்ள படக்குழுவினரை இன்னும் சந்தோஷப்படுத்தியிருக்கிறது நடிகர் ரஜினிகாந்தின் வாழ்த்து.
‘டிராகன்’ படத்தைப் பார்த்த நடிகர் ரஜினி, இயக்குநர் அஸ்வத், பிரதீப், தயாரிப்பாளர் அர்ச்சனா ஆகிய மூவரையும் நேரில் தனது இல்லத்திற்கு அழைத்துப் பாராட்டியிருக்கிறார்
Ashwath ட்வீட்
ரஜினிகாந்துடனான சந்திப்பு குறித்து தனது ட்விட்டர் தளத்தில் உருக்கமாக பதிவு செய்துள்ளார் இயக்குநர் அஸ்வத் மாரிமுத்து.
அவரது பதிவில் ரஜினிகாந்த் அவரிடம், “what a writing Ashwath ! Fantastic fantastic !!” என பாராட்டியதாக குறிப்பிட்டுள்ளார்.
Rajini sir : what a writing Ashwath ! Fantastic fantastic !!
nalla padam pannanum, padatha pathutu Rajini sir veetuku kooptu wish panni namma padatha pathi pesanum !! Ithu director aganum nu kasta patu ozhaikra ovoru assistant director oda Kanavu ! Kanavu neraveriya nal… pic.twitter.com/IFuHhNkqjY— Ashwath Marimuthu (@Dir_Ashwath) March 5, 2025
மேலும், “நல்ல படம் பண்ணனும், படத்த பாத்து ரஜினி சார் வீட்டுக்கு கூப்டு விஷ் பண்ணி நம்ம படத்த பத்தி பேசணும் !! இது டைரக்டர் ஆகணும்னு கஷ்டப்படுற ஒவ்வொரு உதவி இயக்குநருடைய கனவு! கனவு நிறைவேறிய நாள் இன்று ♥️” என்றும் எழுதியுள்ளார்.