‘விக்ரம் வேதா’, ‘இறுதிச்சுற்று’, ‘மண்டேலா’, போன்ற படங்களைத் தயாரித்த ஒய் நாட் ஸ்டுடியோஸ் சசிகாந்த் எழுதி, இயக்கி, தயாரித்திருக்கும் படம் ‘டெஸ்ட்’. இப்படத்தில் சித்தார்த் ஹீரோவாக நடித்திருக்கிறார். மாதவன், நயன்தாரா, மீரா ஜாஸ்மீன் உள்ளிட்ட பலர் இப்படத்தில் நடித்திருகின்றனர். கிரிக்கெட்டை மையமாக வைத்து இப்படம் எடுக்கப்பட்டிருக்கிறது.
ஏப்ரல் நான்காம் தேதி இப்படம் நெட்ப்ளிக்ஸ் ஓடிடி தளத்தில் வெளியாகிறது. இந்நிலையில் ‘டெஸ்ட்’ படத்தில் கிரிக்கெட் வீரராக நடித்திருக்கும் சித்தார்த்தின் வீடியோவைப் படக்குழுவினர் வெளியிட்டிருந்தனர். அந்த வீடியோவை ரீ-ட்வீட் செய்த தமிழக கிரிக்கெட் வீரர் அஷ்வின், சித்தார்த்தைப் பாராட்டிருக்கிறார்.
அவர் வெளியிட்டிருந்தப் பதிவில், ” சித்தார்த்தை ‘டெஸ்ட்’ படத்தில் பார்க்கும்போது வருடக்கணக்கில் கிரிக்கெட் விளையாடிய ஒரு வீரரைப் போல இருக்கிறது. அவர் இந்தக் கதாபாத்திரத்திற்கு எப்படி தயாராகி இருக்கிறார் என்பதின் மூலம் கிரிக்கெட் மீதான அவரின் அன்பையும், புரிதலையும் புரிந்துக்கொள்ள முடிகிறது.
இப்போது இந்த டீசரைப் பார்க்கும்போது அவரது கரியரில் மிக முக்கியமான படமாக இந்தப் படம் இருக்கும் என்று தோன்றுகிறது. ‘டெஸ்ட்’ படம் வெற்றி அடைய படக்குழுவினருக்கு வாழ்த்துக்கள்” என்று பாராட்டி பதிவிட்டிருக்கிறார்.
Watching Siddharth in “Test” feels like watching a cricketer who has spent years in the game. His technical understanding and love for the sport was evident through his prep and now seeing it all come alive on screen, I know this film is going to be something special for him.… pic.twitter.com/Wa3LgUHX4b
— Ashwin (@ashwinravi99) March 13, 2025
சினிமா விகடனின் பிரத்யேக Whatsapp க்ரூப்
https://chat.whatsapp.com/KzgH8aPb2MI9PVttY53JpX
சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள…
உங்கள் வாட்ஸ் அப் மூலமே இணைந்திருங்கள் சினிமா விகடனுடன்…