மகாராஷ்டிரா அரசியலில் இப்போது சத்ரபதி சிவாஜி மற்றும் ஔரங்கசீப் கல்லறை பிரச்னை பிரதானமாக இருந்து வருகிறது. இது பாராளுமன்றம் வரை சென்றுள்ளது. பாராளுமன்றத்தில் பா.ஜ.க எம்.பி.பிரதாப் புரோஹித் பேசுகையில், ”முந்தைய பிறவியில் பிரதமர் நரேந்திர மோடி மராத்திய மன்னன் சத்ரபதி சிவாஜியாக இருந்துள்ளார். துறவி ஒருவருடன் கலந்துரையாடிய போது அவர் இதனை தன்னிடம் தெரிவித்தார். பிரதமர் மோடி உண்மையில் சிவாஜி மகாராஜ் என்றும், மகாராஷ்டிராவையும் நாட்டையும் முன்னேற்றம் மற்றும் வளர்ச்சிப்பாதையில் அழைத்துச் செல்ல மறு அவதாரம் எடுத்துள்ளார்” என்று தெரிவித்தார்.
இதற்கு பதிலளித்த மும்பை காங்கிரஸ் எம்.பி. வர்ஷா கெய்க்வாட், இவர்கள் சத்ரபதி சிவாஜியை பிரதமர் நரேந்திர மோடியுடன் ஒப்பிடுவதன் மூலம் சத்ரபதி சிவாஜியை அவமதித்துள்ளனர்” என்று தெரிவித்துள்ளார்.
இது குறித்து சிவசேனா(உத்தவ்) எம்.பி. பிரியங்கா சதுர்வேதி கூறுகையில், “இது போன்ற வெட்கமில்லாத பாஜக போலிகளை கட்டுப்படுத்த வேண்டும். பிரதமர் மோடியை சத்ரபதி சிவாஜி மகாராஜுடன் ஒப்பிடுவதை முற்றிலும் ஏற்றுக்கொள்ள முடியாது” என்று கூறினார்.
இது தொடர்பான செய்தி சோசியல் மீடியாவில் வைரலானதை தொடர்ந்து நெட்டிசன்களும் கடுமையாக விமர்சனம் செய்து வருகின்றனர். ஒருவர் தனது பதிவில், சத்ரபதி சிவாஜி மகாராஜின் சரித்திரம் அரசியல்மயமாக்கப்படுவது குறித்து கவலை தெரிவித்து, ‘நரேந்திர மோடி தனது முந்தைய ஜென்மத்தில் சத்ரபதி சிவாஜி மகாராஜாக இருந்தார் என்று எழுதுவது சிவாஜி மகாராஜுக்கு அவமானம் இல்லையா? அவர் எந்தக் கட்சியின் அடையாளமும் கிடையாது. அவர் சுயராஜ்யத்தின் நிறுவனர். வீரம், தியாகம் மற்றும் சித்தாந்தத்தை அரசியலுடன் இணைப்பது அவர்களின் மகத்துவத்தை குறைத்துவிடாதா?’ என்று கேள்வி எழுப்பி இருக்கிறார்.
வரலாற்றுத் தலைவர்களுடன் நரேந்திர மோடியை இதற்கு முன்பும் பல முறை ஒப்பிட்டுள்ளனர். 2020-ம் ஆண்டு பா.ஜ.க பிரமுகர் ஜெய் பகவான் கோயல் பிரதமர் நரேந்திர மோடியை சத்ரபதி சிவாஜியுடன் ஒப்பிட்டு இன்றைய காலத்து சத்ரபதி சிவாஜி என்று குறிப்பிட்டு புத்தகம் ஒன்றை வெளியிட்டு இருந்தார். 2014-ம் ஆண்டு மெளரிய பேரரசர் அசோகருடன் நரேந்திர மோடியை பா.ஜ.கவினர் ஒப்பிட்டனர்.
வேட்டை நாய்கள் – Gangs of தூத்துக்குடி -இப்போது விகடன் ப்ளேயில்..!
Link : Part 01 : https://tinyurl.com/Vettai-Naigal-Part-01 |
Part 02: https://tinyurl.com/Vettai-Naigal-Part-02 |
80களில் தூத்துக்குடியை மிரள வைத்த டான்களின் கதை வேட்டை நாய்கள் – Gangs of தூத்துக்குடி இப்போது Audio formatல் உங்கள் Vikatan Playல். இப்பவே Vikatan APPஐ Download செய்யுங்கள் Play Iconஐ Click பண்ணி வேட்டை நாய்கள் கேளுங்க | #Vikatan #VikatanPlay #AudioBooks